Պրոլետարսկի շրջանի աշխարհազորականների հուշարձան

Վիքիպեդիայից՝ ազատ հանրագիտարանից
Jump to navigation Jump to search
Picto infobox architecture.png
Պրոլետարսկի շրջանի աշխարհազորականների հուշարձան
Պրոլետարսկի շրջանի աշխարհազորականների հուշարձանը գտնվում է Ռուսաստանում
Պրոլետարսկի շրջանի աշխարհազորականների հուշարձան
Կոորդինատներ 55°42′27″ հս․ լ. 37°39′31″ ավ. ե. / 55.70750° հս․. լ. 37.65861° ավ. ե. / 55.70750; 37.65861Կոորդինատներ: 55°42′27″ հս․ լ. 37°39′31″ ավ. ե. / 55.70750° հս․. լ. 37.65861° ավ. ե. / 55.70750; 37.65861
Գտնվում է Ռուսաստան Ռուսաստան
Մոսկվա
Կառուցվել է 1980
Շինության ձևը Հուշահամալիր
Կառուցել է Ֆ. Դ. Ֆիվեյսկի, Ն. Գ. Սկրիննիկովա
Ներկա վիճակը Կանգուն

Պրոլետարսկի շրջանի աշխարհազորականների հուշարձան (ռուս.՝ Памятник ополченцам Пролетарского района), հուշահամալիր Ռուսաստանի մայրաքաղաք Մոսկվայում։ Տեղադրվել է 1980 թվականի մայիսի 6-ին Ավտոզավոդսկայա հրապարակում։ Նվիրված է Մոսկվայի Պրոլետարսկի շրջանի այն բնակիչներին, որոնք զոհվել են Հայրենական մեծ պատերազմի ռազմաճակատներում։ Հուշարձանի հեղինակներն են քանդակագործներ Ֆ. Դ. Ֆիվեյսկին, Ն. Գ. Սկրիննիկովան, ճարտարապետներ Պ. Պ. Զինովևը, Ի. Մ. Ստուդենիկինը, ճարտարագետ Բ. Մ. Դուբովոյը[1]։ Հուշարձանը պատկանում է «քաղաքային քանդակ» կատեգորիային[2]։

Նկարագրություն[խմբագրել | խմբագրել կոդը]

Հուշարձանի բարձրությունը 15 մետր է։ Հուշարձանի հիմնական գաղափարը ռազմաճակատի և թիկունքի միասնությունն է։ Դա բազմապատկեր հարթաքանդակային հորինվածք է, որը պատկերում է կարմիրբանակայիններին և աշխարհազորական բանվորներին, որոնք պաշտպանել են Մոսկվան 1941 թվականի աշնանը[1]։ Զինվորների պատկերաքանդակները հուշարձանի կազմի մեջ առանցքային դեր չեն խաղում, այլ ենթարկվում են կառուցվածքի գերիշխող գաղափարին։ Դրանք տեղադրված են Հաղթանակի խորհրդանշական դրոշի՝ միմյանց վրա դրված ոճավորված շերտերի վրա։ Կառուցվածքն ունի սեղանաձև հիմք, որը խորհրդանշում է դրոշափողը[3]՝ «1941-1945» ռելիեֆային գրությամբ։ Հուշարձանի հետնամասում գրված է. «Հայրենիքի ազատության և անկախության համար զոհված պրոլետարների սխրանքը հավերժ կմնա ժողովրդի հիշողությունում։ Հավե՜րժ փառք հերոսներին»[2]։

Քանդակագործական հորինվածքը պատրաստված է կռած թերթավոր պողպատից պղնձե հիմնակմախքի վրա։ Հուշարձանը հենվում է ողորկված գրանիտից պատրաստված աստիճանավոր հիմքի վրա։ Հուշարձանի հետևում սկսվում է Ավտոզավոդսկայա փողոցի բուլվարը[4]։

Ծանոթագրություններ[խմբագրել | խմբագրել կոդը]

  1. 1,0 1,1 Кожевников Р. Ф. Ополченцам Пролетарского района // Скульптурные памятники Москвы. — Москва: Московский Рабочий, 1983.
  2. 2,0 2,1 Памятники монументального искусства Москвы: справ. изд. / Департамент культурного наследия г. Москвы. — М.: ООО «Милк Эдженси», 2016. — 404 с.: с. 254—255. ISBN 978-5-9907078-1-8.
  3. Алфаких Ихлас Жамил Монументальная скульптура конца XX — начала XXI века в архитектуре и дизайне городской среды Москвы: истоки, традиции, ревизии, новации. Диссертация на соискание ученой степени кандидата искусствоведения. Москва – 2018
  4. Вестник границы России, Issues 1-6. С. 90