Պեկլեի թիվ

Պեկլեի թիվ, նմանության հայտանիշ կոնվեկտիվ ջերմափոխանակության պրոցեսների համար (Ре)։ Կոչվել է ֆրանսիացի ֆիզիկոս Պեկլեի (J․ C․ Peclet) անունով։

$\mathrm {Pe} ={\frac {vL}{a}}={\frac {c_{p}\rho v}{\lambda }}$, որտեղ

$L$-ը ջերմափոխանակության մակերևույթի բնորոշ գծային չափն է, $v$-ն՝ ջերմափոխանակության մակերևույթի նկատմամբ հեղուկի հոսքի արագությունը, $a$-ն՝ ջերմաստիճանահաղորդականության գործակիցը, $c_{p}$-ն՝ ջերմունակությունը հաստատուն ճնշման դեպքում, $\rho$-ն՝ խտությունը, $\lambda$-ն՝ հեղուկի ջերմահաղորդականության գործակիցը։

Պեկլեի թիվը բնութագրում է հեղուկի հոսքում ջերմության փոխանցման կոնվեկտիվ և մոլեկուլային պրոցեսների միջև եղած կապը։ Ռեյնոլդսի թվի (Re) և Պրանդտլի թվի (Pr) հետ Պեկլեի թիվը կապված է $Pe=Re\cdot Pr$ առնչությամբ։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 9, էջ 227)։