Պատկերուսույց գիրք

Պատկերուսույց գիրք
Տեսակ	ձեռագիր
Բնօրինակ լեզու	հայերեն
Էջեր	59

Պատկերուսույց գիրք, մանրանկարչական արվեստի հայկական ուսումնական ձեռնարկ միջին դարերում։ Այս անվանումը Ղևոնդ Ալիշանը Վենետիկի Մխիթարյան միաբանության մատենադարանում պահվող ձեռագրին պայմանականորեն է տվել։ Ձեռագիրը 59 թերթ ունի, որոնցից 25-ը մագաղաթ, իսկ 34-ը թուղթ։ XIII-XV դարերի մանրանկարչական դպրոցի օրինակներ են զետեղված, կարմիր ու կապույտ գծապատկերներով։ Դասակարգված են ըստ ուսուցման կարգի, պարզից բարդ՝ զարդանկարներ, զարդագրեր, սրբապատկերներ և տերունական նկարներ։ Կան գրավոր տեղեկություններ նկարչական արվեստի, նկարների ձևի, գունազարդման տեխնիկայի, լույս ու ստվերի օգտագործման մասին։ Գծանկարի վրա հապավումներով նշված են գույները (ՃՆ - ճնարակ, ԼԶ - լազվարդ, ԿՉ - կանաչ և այլն)։ Պատկերուսույցից օգտվել են շատ ծաղկողներ, այդ թվում Գրիգորիս Ախթամարցին «Ալեքսանդրի վարքը» պատկերազարդելիս։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 9, էջ 156)։