Պապիկի մեծ փախուստը

Վիքիպեդիայից՝ ազատ հանրագիտարանից
Jump to navigation Jump to search
Պապիկի մեծ փախուստը
վալլիերեն՝ Dihangfa Fawr Taid
Տեսակգրական ստեղծագործություն
Ժանրմանկական գրականություն
ՀեղինակԴեյվիդ Ուոլյամս
ԵրկիրFlag of the United Kingdom.svg Միացյալ Թագավորություն
Բնագիր լեզուանգլերեն
Հրատարակությունսեպտեմբերի 24, 2016

Պապիկի մեծ փախուստը (անգլ.՝ Grandpa's Great Escape), մանկական գիրք, որը գրել է Դեյվիդ Վիլյամսը և պատկերազարդել է Թոնի Ռոսսը։ Այն հրապարակվել է Հարփեր Քոլինսի կողմից, 2015 թվականի սեպտեմբերի 24-ին։ Պատմությունը պատմում է Ջեք անունով մի տղայի մասին, որը փորձում է փրկել իր պապիկին չար օրիորդ Սվայնի ծերանոցից[1]։

Գիրքը վերամշակվել է BBC One հեռուստաընկերության համար, սցենարի հեղինակներն են Վիլյամս և Քևին Սեսիլները։ Պապիկի դերում խաղացել է Թոմ Քոուրթենին[2]։ Բրիտանական հեռուստատեսությամբ պրեմիերան կայացել է 2018 թվականի Նոր Տարվա օրերին։

Սյուժե[խմբագրել | խմբագրել կոդը]

Գրքում նկարագրվող իրադարձությունները տեղի են ունենում Լոնդոնին մոտ գտնվող քաղաքում, 1980-ական թվականներին և պատմում են Երկրորդ համաշխարհային պատերազմի առաջավոր օդաչու պապիկի պատմությունը, որը հիմա շփոթված է` կարծելով, թե Երկրորդ Համաշխարհային պատերազմը դեռ չի ավարտվել։ Երբ նրա ընտանիքն այլևս չի կարողանում հոգ տանել նրա մասին, նա տեղափոխվում է ծերանոց, որը ղեկավարվում է օրիորդ Սվայնի կողմից։

Շուտով պարզ է դառնում, որ օրիորդ Սվայնը ղեկավարում է ծերանոցը միայն իր շահի համար, և պապիկը ու նրա թոռնիկ Ջեքը, որը միակն էր, որ կարող էր հասկանալ պապիկին, պետք է կազմակերպեն վտանգավոր փախուստ։ Պապիկը վերջին հնարավորությունն ունի վերապրելու իր անցյալը և մեկ անգամ ևս թռչելու իր սիրելի ինքնաթիռով։

Արձագանք[խմբագրել | խմբագրել կոդը]

Book Bag կայքի մեկնաբան Լինդա Լովերը Պապիկի մեծ փախուստ ֆիլմին տվել է 4.5 աստղ` ասելով. «Սկզբից մինչև վերջ հիմարություն լինելով` այնուամենայնիվ այն ընթերցողի մոտ թողնում է ջերմ, մտերմիկ զգացողություն։ Մոռացիր այն մասին, թե արդյոք սյուժեի մեջ թեկուզ մի փոքր իմաստ կա, պարզապես հարմար նստիր և վայելիր ընթացքը, Թոնի Ռոսսի հիանալի պատկերազարդումները և անհոգ տեքստը»[3]։

Հեռուստացույցային վերամշակում[խմբագրել | խմբագրել կոդը]

2017 թվականի սեպտեմբերի 22-ին հայտարարվել է, որ գիրքը վերամշակվելու է BBC One հեռուստաընկերության համար և հեռարձակվելու է 2017 թվականին, Ամանորին։ Ֆիլմի սցենարը գրվել է Վիլիամ և Քևին Սեսիլների կողմից, պապիկի դերում խաղացել է Թոմ Քոուրթենը, Ջեքի դերում` Կիթ Քոնորը, օրիորդ Դենդի դերում` Ջենիֆեր Սաունդերսը Ջեքի ծնողների` Պատրիսիայի և Բարրի դերերում` Սամանթա Սփիրոն և Վալիամսը[4]։ Ֆիլմը հեռարձակվել է 2018 թվականի Ամանորին[5] և ունեցել ավելի քան 5 միլիոն հանդիսատես։

Ծանոթագրություններ[խմբագրել | խմբագրել կոդը]

  1. «The World of David Walliams»։ HarperCollins Publishers Limited։ 2017։ Վերցված է սեպտեմբերի 23, 2017 
  2. Doran Sarah (սեպտեմբերի 22, 2017)։ «David Walliams’ Grandpa’s Great Escape set to air on BBC1 this Christmas»։ Radio Times, Immediate Media Company Limited։ Վերցված է սեպտեմբերի 23, 2017 
  3. Lawlor Linda (փետրվարի 13, 2017)։ «Grandpa's Great Escape by David Walliams»։ The Bookbag։ Վերցված է սեպտեմբերի 23, 2017 
  4. «David Walliams’ Grandpa’s Great Escape comes to BBC One»։ BBC։ սեպտեմբերի 22, 2017։ Վերցված է սեպտեմբերի 23, 2017 
  5. «Grandpa's Great Escape: All you need to know»։ BBC News (BBC)։ դեկտեմբերի 29, 2017։ Վերցված է հունվարի 1, 2018