Չժանգոտող պողպատ է համարվում ըստ զանգվածի նվազագույնը 10.5% քրոմի պարունակություն ունեցեղ պողպատը[1]։
Ածխածնային պողպատից չժանգոտող պողպատը տարբերվում է նրանով, որ պարունակում է քրոմ։ Օդի հետ շփվելու ժամանակ սովորական պողպատի մակերևույթին առաջանում է երկաթի օքսիդի կեղև, որն աստիճանաբար վերածվում է ժանգի և քայքայում է այն։ Չժանգոտող պողպատում պարունակող քրոմը նրա մակերևույթին ստեղծում է դրսի ազդեցությունից պաշտպանող քրոմի օքսիդի բարակ թաղանթ։
Նյու-Յորքի Քրայսլեր բիլդինգ երկնաքերի գագաթը պատրաստված է չժանգոտող պողպատից։
Ճարտարապետության մեջ կիրառվում է պրակտիկ և էսթետիկ նկատառումներով։ Որպես այդպիսի կիրառության հայտնի օրինակ կարող է ծառայել Քրայսլեր բիլդինգ երկնաքերի տանիքը (նկարում)։ Ամբողջապես չժանգոտող պողպատե թերթերով է պատված Բիլբաոյում կառուցված Գուգենհայմի թանգարանի շենքը։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 9, էջ 16)։
