Չապաևի հրապարակ (Սամարա)
| Չապաևի հրապարակ | |
|---|---|
 | |
| Երկիր |  Ռուսաստան |
| Տեղագրություն | Լենինսկի շրջան |
| Մակերես | 2,9 հեկտար |
 | |
 | |
Չապաևի հրապարակ (ռուս.՝ Площадь Чапаева), հրապարակ Սամարայի Լենինյան շրջանում։ Հրապարակը ձևավորվել է Կույբիշև, Ֆրունզե, Վիլոնովսկի, Շոստակովիչ (նախկինում՝ Աշխատավորի) փողոցներով։ Հրապարակի մոտ է գտնվում Ստրուկովսկի այգին, հրապարակում է տեղակայված Սամարայի դրամատիկական թատրոնը։
Հուշահամալիր[խմբագրել | խմբագրել կոդը]
Չապաևի անվան հրապարակում 1932 թվականին կառուցվել է Չապաևի բազմաֆիգուր հուշարձանը, որի բարձրությունը 10 մետր է, չափերը՝ 17x22 մետր։
Հուշարձանի հեղինակն է քանդակագործ Մատվեյ Մանիզերը։ Հուշարձանի կրկնօրինակը կարելի է տեսնել Սանկտ-Պետերբուրգում՝ Սեմյոն Բուդյոննիի անվան կապի ռազմական ակադեմիայի դիմացի հրապարակում[1]։
Գերեզմանոց[խմբագրել | խմբագրել կոդը]
Հրապարակում է թաղված 1917 թվականի նոյեմբերի 30-ին սպանված խողովակի գործարանի աշխատկից Միխայիլ Ստեպանովը, որը հսկում էր հեղափոխական կոմիտեի շենքը (Ֆրունզեի փողոց 167, այժմ` Սամարայի մշակույթի ինստիտուտի շենք)։ Դեկտեմբերի 26-ին եղբայրական գերեզմանում են թաղվել նույն շենքի նկուղում ահաբեկչության հետևանքով զոհված ութ կարմիրգվարդիականները, ինչպես նաև Օրենբուրգի շրջանում տեղի ունեցած մարտերում զոհված կարմիրգվարդիական Ի. Բուլատովը։
1921 թվականի օգոստոսի 16-ին հրապարակում թաղվեց Չեկայի տրանսպորտի ղեկավար Ա. Ֆ. Սիլինը, որը մահացել է Բուզուլուկի շրջանում ավազակախմբի լիկվիդացիայի ժամանակ։ 1922 թվականի հունվարին հուղարկավորվել են երկու չեկիստներ՝ Ս. Սոլլոգուբովն ու Վ. Սեմյոնով-Յակովլևը, ովքեր սպանվել են ապստամբների կողմից։
Գերեզմանոցները գտնվում են Մշակույթի ինստիտուտի շենքի և Չապաևի հուշարձանի միջև[2]։
Տրանսպորտ[խմբագրել | խմբագրել կոդը]
Հրապարակին մոտ գտնվող հասարակական տրանսպորտ՝
- ավտոբուս
- «Ստրուկովսկի այգի/ Կրասնոարմեյսկայա/Արհմիությունների տուն» Կույբիշև փողոցի վրա
- «Սպաների շրջանային տուն» Շոստակովիչ փողոցի վրա (նախկինում՝ Աշխատավորի)
- «Ֆրունզեի փողոց» Կրասնոարմեյսկայա փողոցի վրա
- տրամվայ կանգառ «Ֆրունզեի փողոց» 1, 3, 5, 15, 16, 20 երթուղիներ
Սահմանված երթուղիների որոշակի փորձեր կան Շոստակովիչ փողոցով երթևեկելու համար, սակայն Սամարայի տրանսպորտի վարչությունից պաշտոնական թույլտվություն չեն ստացել։
Ծանոթագրություններ[խմբագրել | խմբագրել կոդը]
- ↑ http://www.deafnet.ru/travel/trav.phtml?c=111&id=720 Самара. В гостях у широкой Волги
- ↑ Захоронения на площади(չաշխատող հղում)
Արտաքին հղումներ[խմբագրել | խմբագրել կոդը]
- Площадь Чапаева на сервисе Яндекс.Панорамы.
- Площадь им. Василия Чапаева 3D-панорама Краеведческий портал «Самарская губерния. История и Культура»