Չադրա

Վիքիպեդիայից՝ ազատ հանրագիտարանից
Չադրայով ծածկված կանայք

Չադրա, սպիտակ, կապույտ, երբեմն՝ սև ծածկոց, որով մուսուլման կանայք տնից դուրս գնալիս պարուրվում էին ոտքից գլուխ, բաց թողնելով միայն աչքերը։ Գործածվել է Իրանի, Աֆղանստանի որոշ ժողովուրդների կենցաղում, արաբական երկրներում (Եմեն, Իրաք և այլն), Թուրքիայում, Ադրբեջանում և այլուր։ Վերապրուկային ձևով պահպանվում է Իրանում, Աֆղանստանում և արաբական որոշ երկրներում։
Չադրա (պարսկ.՝ չադոր) – գլխաշոր, ծածկող, որոնք շարիաթի օրենքների համաձայն կրում են մուսուլման կանայք: Իսլամում գոյություն ունեն գլխաշորերի տարբեր տեսակներ (նիքաբ, բուրկա, հիջաբ և այլն), որոնք տարբեր ձևերով են ծածկում կնոջ մարմինը և հատկապես գլխամասը: Կնոջ գլխաշորի հետ կապված վերջին տարիներին մեծ խնդիրներ են ի հայտ եկել եվրոպական երկրներում, հատկապես Ֆրանսիայում, որտեղ աշխարհիկության սկզբունքներից ելնելով արգելվում է հանրային վայրերում գլխաշոր կրելը:

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։ CC-BY-SA-icon-80x15.png