Ուդմուրտիայի պետական ռուսական դրամատիկական թատրոն

Վիքիպեդիայից՝ ազատ հանրագիտարանից
Jump to navigation Jump to search
Picto infobox masks.png
Ուդմուրտիայի պետական ռուսական դրամատիկական թատրոն
Государственный русский драматический театр Удмуртии (Ижевск).jpg
Տեսակդրամատիկական թատրոն
ԵրկիրFlag of Russia.svg Ռուսաստան
Գտնվելու վայրըGorky Street, Izhevsk? և Իժևսկ
Հիմնադրման ամսաթիվ1935
Կայքдрамтеатр18.рф
Russian Drama Theater, Izhevsk Վիքիպահեստում

Ուդմուրտիայի պետական ռուսական դրամատիկական թատրոն գտնվում է Իժևսկ քաղաքում, Օկտյոբրսկի շրջանի Մաքսիմ Գորկի փողոցում։

Պատմություն[խմբագրել | խմբագրել կոդը]

Թատրոնի պատմությունն սկսվում է 1935 թվականից, երբ 1935 թվականի հունիսի 11-ին հրապարակվել է ՈՒԻԽՍՀ (Ուդմուրտիայի ինքնավար խորհրդային սոցիալիստական հանրապետություն) Ժողովրդական կոմիսարների խորհրդի որոշումը` այդ տարում սեպտեմբերի 1-ին մշտական պետական ռուսական դրամատիկական թատրոն ստեղծելու վերաբերյալ։ Թատրոնի առաջին թատերախումբը ձևավորվել է Մոսկվայի Գեղարվեստական թատրոնի և գավառական թատրոնների դերասաններից, ինչպես նաև` թատերական դպրոցների շրջանավարտներից։ Առաջին` «Ազնվականներ»-ը ներկայացումը տեղի է ունեցել 1935 թվականի հոկտեմբերի 18-ին։ Թատրոնի առաջին տարիների գործունեության ժամանակ խաղացանկում ընդգրկված են եղել հետևյալ ստեղծագործությունները. «Դիմակահանդես»ը, «Երեք քույր»ը, «Մեռած հոգիներ»ը, «Իրկուտսկի պատմություն»ը։ 1941 թվականի մայիսին ռուսական և Ուդմուրտիայի դրամայի միացյալ թատրոնը հնրդեհվել է։ Թատերախմբի մի մասը տեղափոխվել է Սարապուլ, իսկ շուտով սկսվել է պատերազմ։ Զրկվելով գրեթե ամբողջ ռեկվիզիտից` թատերախումբը սկսում է ցուցադրել ներկայացումներ հիվանդանոցներում, կոլտնտեսություններում, ֆաբրիկաներում և գործարաններում, նաև թատերախումբը պատրաստում էր նոր ներկայացումներ, օրինակ, «Ռուսական մարդիկ», «Քսաներորդ գիշեր»,«Զորախումբը գնում է արևմուտք», «Անտեսանելի տիկինը»,«Հարձակում» և «Սիրանո դը Բերժըրակ»։ Պատերազմից հետո, 1946 թվականին, Իժևսկում թատրոնն ստանում է նոր շենք, որտեղ և վերադառնում է թատերախումբը։ Թատրոնի շենքը կառուցվել է ճարտարապետ Վ. Տիշինայի նախագծով, գտնվում էր քաղաքի կենտրոնից մոտիկ և տեղավորում էր 760 հանդիսատես։ Առաջին ներկայացումը նոր շենքում եղել է «Ազին» ներկայացումը ըստ ուդմուրտացի դրամատուրգ Ի. Գավրիլովի։ 1961 թվականին թատրոնը անվանակոչվում է ի պատիվ Վ. Գ. Կորոլենկոյի։ 1970-1980-ականներին թատրոնի բեմում ցուցադրվում են այնպիսի ներկայացումներ, ինչպիսիք են «Մարիա Ստյուարտ»ը, «Հնաոճ կատագերգություն», «Միշտ կենդանի», «Սրբերի սուրբ» և ուրիշները։ 1980-1990-ական թվականներին ցուցադրել են Մ. Շատրովայի «Խղճի բռնապետություն», «Ինքնասպանություն», «Աստղերը առավոտյան երկնքում», «Սև մարդ, կամ ես աղքատ Սոսո Ջուղաշվիլին եմ» ներկայացումները։ 2000 թվականին ներկայացվում են «Հանճար և անհոգություն», «Թատրոն», «Գայլեր և ոչխարներ», «Մեղրամիս ամբողջ կյանքի համար», «Մինչև նա մահանում էր» և «Նախօրոք եմ լացում» պիեսները։

Թատրոնն այսօր[խմբագրել | խմբագրել կոդը]

2011 թվականից թատրոնը գտնվում է Գորկի փողոցի վրա տեղակայված շենքում, որտեղ գտնվում է «Իժմաշ» մշակույթի տունը։ Թատրոնի ժամանակակից խաղացանկում եղել է այսպիսի ներկայացումներ, ինչպես «Մարիա Ստյուարտը», «Մուգ ալիքներ», «Խաղացողներ», «Իշխանը, Պոլինան և աքլորը», «Կամելիազարդ տիկինը», ընդհանուր առմամբ` 25 անվանում։ Վերջին 10 տարում թատրոնի ղեկավար է եղել Ռուսաստանի վաստակավոր արտիստ, Ուդմրուտիայի արվեստի վաստակավոր գործիչ Վլադիմիր Սաֆոնովը։ 2010 թվականի աշնանը գլխավոր ռեժիսիոր է դարձել, Վիկտոր Պրոկոպովը[1](ռուս.): Թատրոնը համագործակցում է Ռուսաստանի այլ քաղաքների դերասանների հետ։ 2012 թվականին թատրոնը հյուրընկալել է «Երիտասարդ ռեժիսորների ստեղծագործական լաբորատորիա» միջոցառումը[2](ռուս.):

Թատրոնի հետ կապված հայտնի մարդիկ[խմբագրել | խմբագրել կոդը]

  • Միկլաշևսկայա Ավգուստա Լեոնիդովնա
  • Եվրինովա Վանդա, ՈՒԻԽՍՀ (Ուդմուրտիայի ինքնավար խորհրդային սոցիալիստական հանրապետություն)-ի վաստակավոր արտիստ
  • Գալնբեկ Բորիս, ՈՒԻԽՍՀ (Ուդմուրտիայի ինքնավար խորհրդային սոցիալիստական հանրապետություն)-ի վաստակավոր արտիստ
  • Գլյատեր Սողոմոն, ՈՒԻԽՍՀ (Ուդմուրտիայի ինքնավար խորհրդային սոցիալիստական հանրապետություն)-ի վաստակավոր արտիստ, Ուդմրուտիայի վաստակավոր արտիստ
  • Գուսարով Նիկոլայ Նիկոլաևիչ, ՈՒԻԽՍՀ (Ուդմուրտիայի ինքնավար խորհրդային սոցիալիստական հանրապետություն)-ի արվեստի վաստակովր գործիչ
  • Կաց Արկադի Ֆրիդրիխովիչ, Ռուսաստանի Դաշնության վաստակավոր արտիստ
  • Պաստունով, Ալեքսանդր Միխայլովիչ, ՈՒԻԽՍՀ (Ուդմուրտիայի ինքնավար խորհրդային սոցիալիստական հանրապետություն) ժողովրդական արտիստ
  • Մազի Անջելինա Գյուլերմովնա, Ուդմրուտիայի ինքնավար Խորհրդային Սոցիալիստական ​​Հանրապետության ժողովրդական արտիստ, Ռուսաստանի վաստակավոր արտիստ
  • Սվեչնիկով Վլադիմիր Դմիտրիևիչ, Ուդմրուտիայի ինքնավար Խորհրդային Սոցիալիստական ​​Հանրապետության ժողովրդական արտիստ, Ռուսաստանի վաստակավոր արտիստ։

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]