Ողջերն ու մեռածները

Վիքիպեդիայից՝ ազատ հանրագիտարանից
Jump to navigation Jump to search
Picto infobox cinema.png
Ողջերն ու մեռածները
խորվ.՝ Živi i mrtvi
ԵրկիրFlag of Croatia.svg Խորվաթիա
Flag of Bosnia and Herzegovina.svg Բոսնիա և Հերցեգովինա
Ժանրպարտիզանների մասին ֆիլմ և դրամա
Թվական2007
Լեզուխորվաթերեն
ՌեժիսորKristijan Milić?
Սցենարի հեղինակՅոսիպ Մլակիչ
ԴերակատարներFilip Šovagović?, Վելիբոր Տոպիչ և Marinko Prga?
ՕպերատորԴրագան Մարկովիչ
Պատմվածքի վայրԲոսնիա և Հերցեգովինա
ԿինոընկերությունPorta
Տևողություն87 րոպե

Ողջերն ու մեռածները (խորվ.՝ Živi i mrtvi), խորվաթական լիամետրաժ գեղարվեստական ֆիլմ՝ նկարահանված 2007 թվականին Յոսիպ Մլակիչի վեպի հիման վրա: Ֆիլմի նկարահանումներն անցկացվել են Բոսնիա և Հերցեգովինայում և Խորվաթիայի Հանրապետությունում: Ֆիլմում զուգահեռ զարգանում են սյուժետային երկու գծեր, որոնցից մեկը ներկայացնում է Բոսնիական պատերազմի դեպքերը (1993 թվական), մյուսը՝ Երկրորդ համաշխարհային պատերազմի (1943 թվական):

Սյուժե[խմբագրել | խմբագրել կոդը]

1943 թվականին խորվաթ դոմոբրանների (չեխ․՝ domobrana, խորվ.՝ domobrani, սլովեն.՝ domobranci, բառացի՝ «տան (հայրենիքի) պաշտպաններ») մի խումբ հրաման է ստանում ոչնչացնել հարավսլավական պարտիզանական ջոկատը, որ թաքնվում էր Բոսնիայի լեռներում ու անտառներում: Խորվաթ մարտիկներն ուղևորվում են դեպի Սև ջրեր կոչվող վայրը, բայց ընկնում են պարտիզանների շրջափակման մեջ, ու մի քանի կարճատև մարտերից հետո նրանց ջոկատից գրեթե ոչ ոք կենդանի չի մնում:

Ուղիղ հիսուն տարի անց Խորվաթիայի պաշտպանության խորհրդի մի խումբ զինվորներ հանձնարարություն են ստանում գրավել ռազմավարական կարևոր նշանակություն ունեցող բարձունք այդ նույն վայրում: Պատմությունը միստիկորեն կրկնվում է: Ընդ որում՝ Խորվաթիայի պաշտպանության խորհրդի մարտիկներից մեկի պապը եղել է այն դոմոբրանների շարքում, ովքեր 1943 թվականին կռվել են հարավսլավական պարտիզանական ջոկատի դեմ:

Դերերում[խմբագրել | խմբագրել կոդը]

  • Ֆիլիպ Շովագովիչ – Տոմո / Մարտին
  • Վելիբոր Տոպիչ – Վիյալի
  • Սլավեն Կնեզովիչ – Չորո
  • Մարինկո Պրգա – Մալի
  • Բորկո Պերիչ – Ռոբե
  • Միրո Բարնյակ – Իվո
  • Բոժիդար Օրեշկովիչ – հրամանատար
  • Էնես Վեյզովիչ – Ֆերիդ / Բոսնիայի և Հերցեգովինայի Հանրապետության մարտիկ
  • Իզուդին Բայրովիչ – Ստոյան
  • Լյուբոմիր Յուրկովիչ – Սեմին
  • Ռոբերտ Ռոկլիցեր – հրամանատար Դանե Բորո
  • Զվոնկո Զեչևիչ – ավագ լեյտենանտ Կնեզ
  • Նինո Սորիչ – Պեյո
  • Ներմին Օմիչ – դոմոբրան

Մրցանակներ[խմբագրել | խմբագրել կոդը]

  • Ֆիլմն 2007 թվականի Պուլայի կինոփառատոնում արժանացել է մրցանակների «Լավագույն ռեժիսոր», «Երկրորդ պլանի լավագույն դերասան», «Լավագույն մոնտաժ» և այլ անվանակարգերում:

Փաստեր[խմբագրել | խմբագրել կոդը]

  • Ֆիլմի նկարահանումներն անցկացվել են Բոսնիա և Հերցեգովինայի Գորնի Վակուֆ Ուսկոպլե և Պրոզոր Ռամա համայնքներում:
  • 2010 թվականի նոյեմբերին բրիտանական The Independent թերթում տպագրվել է նացիստական հանցագործ Սամուել Կունցի մահվան մասին լուրը, և սխալմամբ նյութին կցվել է դերասան Լյուբոմիր Յուրկովիչի նկարը «Ողջերն ու մեռածները» ֆիլմի հերոսներից մեկի կերպարում[1]: Լյուբոմիր Յուրկովիչը դատի է տվել թերթին և հաղթել գործը, իսկ թերթի խմբագիրներն ստիպված են եղել ներողություն խնդրել[2]:

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]