Շի-ձա (Սանկտ Պետերբուրգ)
 | |
|---|---|
 Շի-ձա քանդակները | |
 | |
 | |
| Տեսակ | pier? |
| Բարձրություն | 4,5 մետր |
| Երկիր |  Ռուսաստան |
| Բնակավայր | Սանկտ Պետերբուրգ |
| Շինության ձև | զույգ քանդակներ |
| Ներկա վիճակ | Կանգուն |
 Pier with Chinese Lions "Chi Tza" Վիքիպահեստում | |
Շի-ձա (ռուս.՝ Ши-цза́ կամ Ши-дза́), գրանիտե դիցաբանական առյուծ-պահակների զույգ Ռուսաստանի Սանկտ Պետերբուրգ քաղաքում։ Տեղադրված են դեպի Նևա գետն իջնող Պետրովսկայա առափնյա փողոցում։ Քանդակներից յուրաքանչյուրն ունի մոտ 5 մ բարձրություն և 2,5 տոննա քաշ[1]։ Երկուսի պատվանդաններին էլ արված է հետևյալ մակագրությունը. «Շի-ձան Մանջուրիայի Գիրին քաղաքից Սանկտ Պետերբուրգ տեղափոխվել է 1907 թվականին։ Հետևազորի գեներալ Նիկոլայ Իվանովիչ Գրոդեկովի նվերը»[2]։
Միստիկ իմաստ[խմբագրել | խմբագրել կոդը]
Չինաստանում նման քանդակները զույգերով տեղադրվում են տաճարի, պալատի, գերեզմանատան մուտքի երկու կողմերում։ Նրանք պատկերում են արու և էգ առյուծների, որոնք պահպանում են մուտքը։ Առյուծը թաթով բռնում է բուդդայական գիտելիքը խորհրդանշող գունդ, որը լուսավորում է խավարը և կարողանում է կատարել ցանկությունները։ Էգ առյուծը թաթով պահում է կորյունին[1]։
Պատմություն[խմբագրել | խմբագրել կոդը]
Շի-ձան պատրաստվել է 20-րդ դարի սկզբին մանջուրյան գրանիտից, Գիրին քաղաքում, հատուկ գեներալ Չանի կռատան (փոքր աղոթարան-տաճարի) համար, սակայն 1904 թվականին Չանի հանկարծամահ լինելուց հետո նորանշանակ քաղաքագլուխը քանդակները նվիրում է մերձամուրյան գեներալ-նահանգապետի օգնական Նիկոլայ Գրոդեկովին։ Գրոդեկովը որոշում է այդ քանդակները նվիրել Սանկտ Պետերբուրգին և, վճարելով տրանսպորտային ծախսերը, քանդակները երկաթուղով տեղափոխում է Վլադիվոստոկ, այնտեղից էլ «Սոպեռնիկ» շոգենավով՝ Սանկտ Պետերբուրգ[1][2]։
1907 թվականի սեպտեմբերին ժամանած չինական առյուծները որոշվեց տեղադրել վերջերս վերակառուցված Պետրովսկայա առափնյա փողոցում[1], որը միայն 1901-1903 թվականներին էր սալապատվել գրանիտով։ Պատվանդանների պատրաստումն ու քանդակների տեղադրումը ղեկավարում էր ճարտարապետ Լեոնտի Բենուան[2]։
Պատկերասրահ[խմբագրել | խմբագրել կոդը]
-
Արու առյուծը -
Էգ առյուծը -
Պատվանդանի մակագրությունը
Ծանոթագրություններ[խմբագրել | խմբագրել կոդը]
- ↑ 1,0 1,1 1,2 1,3 «Львы Ши-Цза на Петровской набережной». www.visit-petersburg.ru. Արխիվացված է օրիգինալից 2020 թ․ հուլիսի 20-ին. Վերցված է 2020 թ․ հուլիսի 20-ին.
- ↑ 2,0 2,1 2,2 Редакция журнала Наука и жизнь. «КИТАЙСКИЕ ЛЬВЫ» (ռուսերեն). Վերցված է 2020 թ․ հուլիսի 20-ին.