Շավիղ (թերթ)

Անվան այլ կիրառումների համար տե՛ս՝ Շավիղ (այլ կիրառումներ)

«Շավիղ», ազգային, գրական, քաղաքական շաբաթաթերթ։ Լույս է տեսել 1894-1897 թվականներին, Թեհրանում։ Խմբագիրներ՝ Հ․ Մասեհյան, Վ․ Փափազյան։ Ունեցել է չափավոր-լիբերալ ուղղություն, մեծ տեղ է հատկացրել աշխատավորության, մասնավորապես գյուղացիության սոցիալ-տնտեսական, իրավական ու կենցաղային վիճակին, բարձրացրել լուսավորության, դպրոցը եկեղեցուց անջատելու հարցեր։ Ունեցել է գրական բաժին, թարգմանաբար ներկայացրել եվրոպական, ռուս և պարսիկ գրողներին։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 8, էջ 456)։