Շաբո Մուսայելյան

Շաբո Մուսայելյան
Ծնվել է	փետրվարի 12, 1916(1916-02-12)
Ծննդավայր	Ելիզավետպոլի նահանգ, Կովկասի փոխարքայություն, Ռուսական կայսրություն
Մահացել է	հունիսի 29, 1986(1986-06-29) (70 տարեկան)
Մահվան վայր	Մոսկվա, ԽՍՀՄ
Քաղաքացիություն	Ռուսական կայսրություն և  ԽՍՀՄ
Կրթություն	Բաքվի պետական համալսարան (1945)
Գիտական աստիճան	ֆիզիկամաթեմատիկական գիտությունների դոկտոր

Շաբո Ասլանի Մուսայելյան (փետրվարի 12, 1916(1916-02-12), Ելիզավետպոլի նահանգ, Կովկասի փոխարքայություն, Ռուսական կայսրություն - հունիսի 29, 1986(1986-06-29), Մոսկվա, ԽՍՀՄ), հայ օդերևութաբան։ Ֆիզմաթ գիտությունների դոկտոր (1968): ՌԽՖՍՀ գիտության վաստակավոր գործիչ (1980):

Կենսագրություն

Շաբո Մուսայելյանը ծնվել է 1916 թվականի փետրվարի 12-ին, Ելիզավետպոլի նահանգի Շուշիի գավառի Դեմիրչիլար գյուղում։ 1945 թվականին ավարտել է Ադրբեջանի պետական համալսարանը։ 1952-1966 թվականներին եղել է ԽՍՀՄ ջրաօդերևութաբանական կենտրոնի լաբորատորիայի, 1966-1986 թվականներին՝ բաժնի վարիչ։

Աշխատանքները վերաբերում են եղանակի երկարաժամկետ կանխատեսմանը, օդերևութաբանական շարժընթացների վրա լեռնագրության ազդեցությանը։ Բացահայտել է թույլ լուսավորված լայնություններում գտնվող շրջաններում ամպածածկույթի տվյալներով օդերևութաբանական տարրերի տատանումների խոշորամասշտաբ գնահատման վերականգնման հիմնահարցը, քառաչափ վերլուծության դեպքում կիրառել է մթնոլորտի դինամիկայի հավասարումների ինտեգրման մեթոդ։

Պարգևներ

• ԽՍՀՄ ԳԱ Ժ. Մուլտանովսկու անվան մրցանակ՝ եղանակի երկարաժամկետ կանխատեսման աշխատանքների շարքի համար։

Երկեր

• О природе некоторых сверхдлительных атмосферных процессов, М., 1978.
• Проблемы предсказуемости состояния атмосферы и гидродинамический долгосрочный прогноз погоды, Л., 1984.
• Волны препятствий в атмосфере / Ш. А. Мусаелян. Ленинград: Гидрометеоиздат, 1962.