Նուրի Բայրամով

Նուրի Բայրամով
Ծնվել է	հունվարի 30, 1933(1933-01-30)
Ծննդավայր	Մերվի շրջան, Թուրքմենական ԽՍՀ, ԽՍՀՄ
Վախճանվել է	1993
Մասնագիտություն	բանաստեղծ և մանկագիր
Լեզու	թուրքմեներեն
Քաղաքացիություն	ԽՍՀՄ և  Թուրքմենստան
Կրթություն	Թուրքմենստանի պետական համալսարան (1957)
Գիտական աստիճան	բանասիրական գիտությունների թեկնածու
Նուրի Բայրամով Վիքիքաղվածքում

Նուրի Բայրամով (թուրքմ.՝ Nury Baýramow, հունվարի 30, 1933(1933-01-30), Մերվի շրջան, Թուրքմենական ԽՍՀ, ԽՍՀՄ - 1993), թուրքմեն բանաստեղծ, գրող։ Բանասիրական գիտությունների թեկնածու։

Կենսագրություն

Նուրի Բայրամովը ծնվել է հովվի ընտանիքում։ Աուլում եղել է տարրական դասարանների ուսուցիչ։ 1957 թվականին ավարտել է Թուրքմենստանի Մահթումկուլիի անվան պետական համալսարանի բանասիրական ֆակուլտետը։ 1957 թվականից եղել է «Мыдам тайяр» հանրապետական պիոներական թերթի գրականության և արվեստի խմբագրության բաժնի վարիչը, 1964 թվականից՝ Թուրքմենստանի ԽՍՀ Հրատարակչության պետական կոմիտեի գլխավոր խմբագիր։ 1965 թվականին ընդունվել է ԽՄԿԿ շարքերը։ 1966 թվականից եղել է «Мыдам тайяр» թերթի և «Պիոներ» ամսագրի խմբագիրը, 1969 թվականից ղեկավարել է «Թուրքմենստան» հրատարակչության խմբագրությունը։

Տագրվել է 1948 թվականից։ Հեղինակ է բանաստեղծությունների և պոեմների («Սպասիր ինձ», «Որդիական տուրք», «Հայրենիքի սահմանները», «Հրաշք անապատում»), պատմվածքների, ակնարկների, կարճ պատմվածքների։ Երեխաների համար գրած բանաստեղծությունների առաջին գիրքը լույս է տեսել 1958 թվականին։ Հետագա տարիներին հանդես է եկել շուրջ 2 տասնյակ չափածո և արձակ գրքերով, որոնցից մի քանիսը լույս են տեսել ռուսերեն, մոլդավերեն, տաջիկերեն։ Թուրքմեներեն է թարգմանել է Ալեքսանդր Պուշկինին, Միխայիլ Լերմոնտովին։

Մրցանակ

• Թուրքմենստանի Լենինյան կոմերիտմիության մրցույթի դափնեկիր

Հիշատակ

Աշխաբադում Բայրամովի անունով փողոց կա։

Արտաքին հղումներ

• «Байрамов, Нуры». ЦентрАзия. Արխիվացված օրիգինալից 2013 թ․ ապրիլի 17-ին. Վերցված է 2013 թ․ ապրիլի 7-ին.