Նուռնուսի կայծքարի հանքավայր

Նուռնուսի կայծքարի հանքավայր, Հայաստանի Կոտայքի մարզում՝ Նուռնուս գյուղից 1 կմ արևելք։ Սպիտակ, թեթև, փոշենման, դիատոմիտի ոսպնյակաձև, ոչ բյուրեղային (ամորֆ), սիլիկահողով հարուստ, 16 մ հաստության կուտակ՝ կազմված վերին պլիոցենի և ստորին անթրոպոգենի լճային ավազանում աճած դիատոմային ջրիմուռների կայծքարային խեցիներից։ Հանքանյութը կազմված է արևակն, կրիստոբալիտ, մոնտմորիլոնիտ, կալցիտ միներալներից։ Սպիտակ դիատոմիտները պարունակում են 90-99% Si0₂, որոշ քանակով FeO, Al₂0₃+Fe₂0₃, CaO, գորշ տարատեսակները՝ մոտ 75% Si0₂։ Դրանցում մեծ է Al₂0₃-ի, CaO-ի, Na₂0֊ի «K₂0₃-ի, H₂0-ի պարունակությունը։ Պաշարները (46, 4 հզ․ մ³) հիմնականում սպառվել են։ Օգտագործվում է որպես զտիչ նյութ՝ շաքարի, լցանյութ՝ կաուչուկի, թեթև հրակայուն աղյուսի և ջերմամեկուսիչ սալերի արտադրության մեջ։

Այս հոդվածի կամ նրա բաժնի որոշակի հատվածի սկզբնական տարբերակը վերցված է Հայաստանի բնաշխարհ հանրագիտարանից, որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։