Նմանաձև ծաղկեփոշեկեր

Վիքիպեդիայից՝ ազատ հանրագիտարանից
Jump to navigation Jump to search
Նմանաձև ծաղկեփոշեկեր
Գիտական դասակարգում
Թագավորություն Կենդանիներ
Բաժին Միջատներ
Ընտանիք Ծաղկեփոշեկերներ
Տեսակ Նմանաձև ծաղկեփոշեկեր
Լատիներեն անվանում
Cteniopus persimilis


Նմանաձև ծաղկեփոշեկեր (լատ.՝ Cteniopus persimilis), ծաղկեփոշեկերների ընտանիքին պատկանող միջատ։ Գրանցված է Հայաստանի Հանրապետության Կարմիր գրքում։

Նկարագրություն[խմբագրել | խմբագրել կոդը]

6-8 մմ երկարությամբ, ձվաձև մարմնով մանր բզեզ է։ Արուի մարմինը նեղ է, էգինը՝ համեմատաբար լայն։ Ոտքերը դեղնավուն են, իսկ մարմնի գունավորումը` բաց դարչնագույնից մինչև սևադարչնավուն։

Տարածվածություն[խմբագրել | խմբագրել կոդը]

Տարածված է Հայաստանում՝ Արաքս գետի ափից՝ Մարգարա և Արաքս գյուղերի մոտակայքում (Արմավիրի մարզ), հնարավոր է նաև Արաքս գետի թուրքական ափում։

Էկոլոգիա[խմբագրել | խմբագրել կոդը]

Ապրում են Արաքս գետի երկայնքով՝ տուգայան բուսականության մեջ, հանդիպում են առափնյա խիտ բուսականության վրա հունիս-հուլիս ամիսներին:

Կենսաբանական առանձնահատկությունները հայտնի չեն։

Պահպանություն[խմբագրել | խմբագրել կոդը]

Սահմանափակ արեալով հազվագյուտ տեսակ է։ Բնության պահպանության միջազգային միության Կարմիր ցուցակի չափորոշիչներով գնահատվում է որպես վտանգված տեսակ։

Թվաքանակի և դրա փոփոխության միտումները հայտնի չեն, հանդիպում են եզակի առանձնյակներ։

Վտանգման հիմնական գործոններից է ջրային շինարարությամբ պայմանավորված Արաքս գետի հիդրոլոգիական ռեժիմի փոփոխությունը։

Պահպանության միջոցառումներ չեն իրականացվում, հավանաբար հանդիպում է «Խորվիրապ» արգելավայրում[1]։

Ծանոթագրություններ[խմբագրել | խմբագրել կոդը]

  1. Հայաստանի Կարմիր գիրք (հայերեն)։ Երևան: ՀՀ Բնապահպանության նախարարություն։ 2010։ ISBN 978-99941-2-420-6