Նիժնի Տագիլի մետաղագործների հուշարձան
 | |
|---|---|
 Նիժնի Տագիլի մետաղագործների հուշարձանը | |
 | |
 | |
| Տեսակ | հուշարձան |
| Երկիր |  Ռուսաստան |
| Բնակավայր | Նիժնի Տագիլ |
| Շինության ձև | Կոթող |
| Ներկա վիճակ | Կանգուն |
 Monument to metallurgists of Nizhny Tagil Վիքիպահեստում | |
Նիժնի Տագիլի մետաղագործների հուշարձան (ռուս.՝ Памятник металлургам Нижнего Тагила), հուշարձան Ռուսաստանի Դաշնության Սվերդլովսկի մարզի Նիժնի Տագիլ քաղաքում։ Տեղադրվել է Լիսյա լեռան ստորոտին` Լեռնագործարանային տեխնիկայի պատմության գործարան-թանգարանի դիմաց, քաղաքի Լենինյան շրջանում։
Պատմություն[խմբագրել | խմբագրել կոդը]
Նիժնի Տագիլի մետաղագործների հուշարձանի վայրն ընտրվել է ոչ անմիջապես. առաջարկվել են քաղաքի պատմական մասը, մետաղագործական կոմբինատի հարևանությամբ գտնվող վայրը և նույնիսկ Կայարանամերձ հրապարակը, որտեղ մինչ օրս պահպանվել է պատվանդանը։ Բայց ի վերջո ընտրվել է Լիսյա լեռան ստորոտին գտնվող տեղամասը` Դեմիդովյան գործարանի արտադրական շինությունների դիմաց։ Հուշարձանի հիմնադրումը հարմարեցված է եղել Նիժնի Տագիլի մետալուրգիական կոմբինատի (ՆՏՄԿ) 70-ամյակին և տեղի է ունեցել 2010 թվականի հոկտեմբերի 16-ին։
Հուշարձանի բացման հանդիսավոր արարողությանը մասնակցել են Նիժնի Տագիլի ղեկավար Վալենտինա Իսաևան, «Եվրազ» ընկերության փոխնախագահ Դմիտրի Սոտնիկովը, ՆՏՄԿ ԲԲԸ-ի կառավարիչ տնօրեն Ալեքսեյ Կուշնարյովը, ինչպես նաև Նիժնի Տագիլի մետալուրգիական կոմբինատի աշխատակիցները և քաղաքի հանրության ներկայացուցիչները։
Նկարագրություն[խմբագրել | խմբագրել կոդը]
Հուշարձանի հեղինակն է նիժնիտագիլցի քանդակագործ, Ռուսաստանի նկարիչների միության անդամ Վլադիմիր Պավլենկոն։ Հուշարձանը կազմված է երեք միակտուր մոխրագույն գրանիտից, որոնք տեղադրված են բետոնե պատվանդանի վրա։ Պատվանդանը երեսպատված է խամքարով. հենց այդ քարով է կառուցվել Դեմիդովյան գործարանը։ Երեք միակտուրները մարմնավորում են կապը անցյալի, ներկայի և ապագայի մետաղագործների միջև։ Հուշակոթողի վերևում պարագծով պատկերված են բանվորների պատկերաքանդակները և կրակ, որոնք ձուլված են կռած պղնձից։ Հուշարձանի բարձրությունը 14 մետր է։
Կոթողը շրջապատված է ցանկապատով, նրա ուղղությամբ տանում է լայն սանդուղքը։
Աղբյուրներ[խմբագրել | խմբագրել կոդը]
- «В Нижнем Тагиле открыт памятник металлургам». Нижний Тагил. Официальный сайт города. 2010 թ․ հուլիսի 16. Վերցված է 2015 թ․ մարտի 30-ին.
- «14-метровый гигант - в подарок металлургам». История Нижнего Тагила от основания до наших дней. Վերցված է 2015 թ․ մարտի 30-ին.
- «Памятник металлургам на Лисьей горе». EkatGid. Արխիվացված է օրիգինալից 2015 թ․ ապրիլի 2-ին. Վերցված է 2015 թ․ մարտի 30-ին.
- «Памятник металлургам появился в Нижнем Тагиле рядом с НТМК». siapress.ru. Վերցված է 2015 թ․ մարտի 30-ին.