Նետաօձ, լորտուներիընտանիքիսողուն։ Մարմինը բարակ է, մինչև 120 սմ երկարությամբ, բաց կամ մուգ մոխրագույն։ Մեջքի վրայով անցնում են 4 մուգ շերտեր։ Տարածված է Առաջավոր և Կենտրոնական Ասիայում։ Անդրկովկասում հազվադեպ է։ Ապրում է հիմնականում ավազուտներում։ Շատ արագաշարժ է (այստեղից՝ անվանումը)։ Սնվում է գլխավորապես մողեսներով, որոնց սպանում է թունավոր ատամներով։ Բազմանում է ձվադրությամբ։ Մարդու համար նետաօձի խայթոցը վտանգավոր չէ։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 8, էջ 241)։
