Նարեկ Թոփուզյան
- Վիքիպեդիայում կան հոդվածներ Թոփուզյան ազգանունով այլ մարդկանց մասին։
Նարեկ Թոփուզյան | |
---|---|
Ծնվել է | մայիսի 19, 1980 (44 տարեկան) |
Ծննդավայր | Երևան, Հայկական ԽՍՀ, ԽՍՀՄ |
Մասնագիտություն | Գրող, արձակագիր, իրավաբան |
Լեզու | Հայերեն |
Քաղաքացիություն | Հայաստանի Հանրապետություն |
Կրթություն | Բարձրագույն |
Ժանրեր | Արձակ |
Անդամակցություն | Հայաստանի գրողների միություն, Հայաստանի «ՓԵՆ» կենտրոն |
Կայք | facebook.com/narek.topuzyan/ |
Նարեկ Թոփուզյան (մայիսի 19, 1980, Երևան, Հայկական ԽՍՀ, ԽՍՀՄ), հայ արձակագիր, Հայաստանի գրողների միության անդամ։ Հայաստանի «ՓԵՆ» Կենտրոնի անդամ։
Կենսագրություն[խմբագրել | խմբագրել կոդը]
Ծնվել է 1980 թվականի մայիսի 19-ին, Երևանում։ Հայրը հայտնի պետական գործիչ, իրավաբան Մանուկ Թոփուզյանն է։ 1986-1995 թվականներին սովորել է Երևանի Պարույր Սևակի անվան դպրոցում, 1997 թվականին ավարտել է Երևանի պետական մանկավարժական համալսարանի «Իմաստասեր» քոլեջը, 1997-2003 թվականներին սովորել է Երևանի պետական համալսարանի իրավաբանական ֆակուլտետում։ Ունի մագիստրոսի որակավորում սահմանադրական իրավունք առարկայից։ 2003-2005 թվականներին ծառայել է ՀՀ Զինված ուժերում։ 2014թ. հունիսի 26-28-ը մասնակցություն է ունեցել «Հայ գրականության հիմնադրամի» կազմակերպած հայ ժամանակակից արձակագիրների համար նախատեսված վարպետության դասերին։
Հրապարակված գրքեր[խմբագրել | խմբագրել կոդը]
- 2017թ. լույս է տեսել «Խաբել «Հայռուսգազարդին» վերնագրով պատմվածքների ժողովածուն։ Հրատարակիչ՝ «Ակտուալ արվեստ» հրատարակչություն։
- 2022թ. լույս է տեսել հեղինակի «Երբ Երազն անհետացավ» վերնագրով պատմվածքների ժողովածուն։ Հրատարակիչ՝ «Գրանիշ» հրատարակչություն։
Այլ հրապարակումներ[խմբագրել | խմբագրել կոդը]
Տպագրվել է «21 պատմվածք», «Երիտասարդ գրողների անթոլոգիա», «Հայ ժամանակակից գրականության քրեստոմատիա» ժողովածուներում, «Կայարան» տարեգրքում, «Ինքնագիր-9», «Գարուն», «Անդին», «Նորք» գրական ամսագրերում, «Գրեթերթ»-ում, «Մշակութային հրապարակ» ամսաթերթում, «Գրանիշ» գրական կայքում, «Asymptotejournal.com» թարգմանական գրականության ամսագրում[1]։
Պարգևներ և մրցանակներ[խմբագրել | խմբագրել կոդը]
- 2013թ. մասնակցել է «Անտարես» հրատարակչության կազմակերպած «Արձակ-2013» մրցույթին և անցել եզրափակիչ փուլ։
- 2017թ. արժանացել է Գրքի երևանյան փառատոնի ապագա գրքի հանրայնացմանն աջակցելու համար տրվող հավաստագրի։
- 2018թ. «Կիսել նրա հացը» պատմվածքն արժանացել է «Գրանիշ» գրական կայքի լավագույն արձակ մրցանակին։
- 2020թ. «Տաչիլոյի ճտտիկը» պատմվածքն արժանացել է «Գրանիշ» գրական կայքի լավագույն արձակ մրցանակին։
- 2023թ. «Նրանց նոր հանգրվանը» պատմվածքն արժանացել է «Տոնապետ» Վրեժ Իսրայելյանի անվան մրցույթի երկրորդ մրցանակին։
Հղումներ տարբեր աղբյուրներին[խմբագրել | խմբագրել կոդը]
- «Առավոտ» օրաթերթ, «Լցված եմ հավատով, որ...»
- Հայաստանի «Փեն» Կենտրոն
- «Արմենպրես» «Նոր գիրք»-31/22. Թոփուզյան, Օե, Պողոսյան, Մելքոնյան
- 5 ժամանակակից հայ արձակագիր, որոնց պետք է կարդալ
- Հայտնի են «Տոնապետ» գրական մրցույթի մրցանակակիրները
- Ամփոփվել են գրական մրցույթի արդյունքները
- «Առավոտ» օրաթերթ, Աղմուկ հանած քրեստոմատիաներում ընդգրկված հեղինակները հայտնի են
- Իսպառ բացառվեցին ընկալման այլընտրանքները
- Ամառային մտորումներ «Կայարանի» կառամատույցում
- A new short story collection by Narek Topuzyan
- «Գրանիշ» Գրական տարի 2020
- Երկու խոսք «Երիտասարդ գրողների անթոլոգիա»-ի մասին
- Հրատարակվել է «Երիտասարդ գրողների անթոլոգիան
- «Գրքի առաջին փառատոնն» ավարտվեց
Ծանոթագրություններ[խմբագրել | խմբագրել կոդը]
- ↑ Գրական տեղեկատու, Ե․, 2023, էջ 123։