Նաբերեժնիե Չելնի քաղաքի պատմության թանգարան

Վիքիպեդիայից՝ ազատ հանրագիտարանից
Նաբերեժնիե Չելնի քաղաքի պատմության թանգարան
Տեսակթանգարան
Երկիր Ռուսաստան
ՏեղագրությունԿոմսոմոլսկի շրջան
ՎայրQ94699956?
Ղեկավարության նստավայրQ94699956?, Կոմսոմոլսկի շրջան, Նաբերեժնիե Չելնի, Թաթարստան, Ռուսաստան
Հիմնադրվել էապրիլի 10, 1972[1]
Հավաքածուի չափս52 667
Կայքmuseum-chelny.ru
Քարտեզ
Քարտեզ

Նաբերեժնիե Չելնիի պատմա-գավառագիտական թանգարան (ռուս.՝ Музей истории города Набережные Челны, նախկին անվանումը՝ «Քաղաքի պատմության թանգարան»), համայնքային բյուջետային մշակութային հաստատություն Թաթարստանի Նաբերեժնիե Չելնի քաղաքում։ Հիմնադրվել է 1972 թվականի ապրիլի 10-ին[2]։ Թանգարանը բացի թանգարանային ցուցադրություններից և ցուցահանդեսներից իրականացնում է հետազոտական և մշակութային-կրթական գործունեություն։ 2018 թվականի դրությամբ թանգարանի ցուցադրության և ցուցահանդեսային տարածքը կազմում է 877 մ², պահեստային տարածքը՝ 102 մ², աշխատակիցների թիվը` 38 մարդ, տարեկան այցելուների միջին թիվը` 66500 մարդ[3]։

Պատմություն[խմբագրել | խմբագրել կոդը]

1972 թվականի ապրիլի 10-ը Նաբերեժնիե Չելնիի գործադիր կոմիտեի № 135 հրամանով ստեղծվել է քաղաքի պատմության թանգարանը և Կամազի շինարարությունը։ 1972 թվականի ամռանից ի վեր թանգարանը, չունենալով սեփական շենք, սկսում է կազմակերպել Թաթարստանի նկարիչների առաջին շրջիկ ցուցահանդեսները աշխատանքային հանրակացարաններում։ 1973 թվականի ապրիլի 17-ին քաղաքի հին հատվածի բնակելի տներից մեկի առաջին հարկում կայանում է թանգարանի հիմնական շենքի բացման արարողությունը։ 1973 թվականին թանգարանը դառնում է Թաթարական ԽՍՀ թանգարանների պետական ասոցիացիայի մասնաճյուղ։ 1975 թվականին թանգարանային նմուշները կազմում էին ավելի քան 5000 առարկա։ 1975 թվականի մայիսի 6-ին վերջնական բացվել են քաղաքի պատմության թանգարանի բոլոր սրահները։ Առաջին սրահում ցուցադրվել են XVII դարից մինչև XX դարի 70-ականների կեսերը Նաբերեժնիե Չելնի քաղաքի զարգացման պատմությանը նվիրված ցուցանմուշներ, երկրորդ սրահում`Կամազի շինարարությանը նվիրված ցուցահանդես, երրորդ սրահը նվիրված էր Նաբերեժնիե Չելնիի ներկային և ապագային։ 1984 թվականին թանգարանի հիմնական ֆոնդի ցուցանմուշների թիվը հասել է 10200 միավորի, 1987 թվականի նոյեմբերին 5 հարկանի բնակելի տներից մեկի մուտքում բացվել է թանգարանի ցուցասրահը։ 1991 թվականի ամռանից մինչև 1992 թվական թանգարանը փակվել է խոշոր վերանորոգման համար։ 1997 թվականին թանգարանի ցուցանմուշների քանակը հասել է 20600 միավորի։ 2008 թվականի ապրիլի 26-ին թանգարանի ցուցադրությունը տեղափոխվել է նախկին «Չուլպան» կինոթատրոնի վերակառուցված շենք։ 2014 թվականի հուլիսի 17-ին Նաբերեժնիե Չելնիի գործադիր կոմիտեի № 4219 որոշմամբ «Նաբրեժնե Չելնի քաղաքի պատմության թանգարանը» վերակազմավորվել է և դարձել «Նաբերեժնիե Չելնիի էկոլոգիայի և բնության պահպանության թանգարան»։ 2014 թվականի սեպտեմբերի 17-ին № 5650 որոշմամբ թանգարանը վերանվանվել է Նաբերեժնիե Չելնիի պատմա-գավառագիտական թանգարան։

Թանգարանի ֆոնդեր[խմբագրել | խմբագրել կոդը]

2018 թվականի դրությամբ թանգարանի ցուցադրության և ցուցահանդեսային տարածքը կազմում է 877 մ², պահեստային տարածքը`102 մ², աշխատակիցների քանակ՝ (անձնակազմ) 39 մարդ, տարեկան այցելուների միջին թիվը՝ 66,500 մարդ։ 2018 թվականի հունվարի 1-ի դրությամբ թանգարանի ֆոնդերի 52667 միավորներից 37114-ը հիմնական ֆոնդի ցուցանմուշներն են։

Թանգարանի ցուցադրություն[խմբագրել | խմբագրել կոդը]

Թանգարանի ցուցադրության մեջ ներկայացված են հետևյալ բաժինները, ըստ թեմատիկ էքսկուրսիաների[3]՝

  • «Պալեոնտոլոգիա։ Կամայի տարածաշրջանի ֆաունան»
  • «Հնագիտություն։ Կամա-վոլգյան Բուլղարիա»
  • «Երկրամասի ժողովուրդների ազգագրությունը»
  • «Ոսկե մառան»
  • «Քաղաքի պատմությունը 19-20-րդ դդ.»
  • «Չելնինցի բնակիչների մասնակցությունը Հայրենական մեծ պատերազմին, Աֆղանստանում և Չեչնիայում ռազմական գործողություններին»
  • «Նաբերեժնիե Չելնին 1950-60-ական թթ.: Կամայի գետահունի փակումը, Նիժնեկամենսկի ԳԷՍ-ի շինարարություն»
  • «Ռադիոկայան։ Նաբերեժնիե Չելնիի ռադիոկայանի պատմությունը»
  • «Կամազը և քաղաքը. պատմություն և այժմեականություն»

Ծանոթագրություններ[խմբագրել | խմբագրել կոդը]

  1. https://web.archive.org/web/20140107160800/http://sayt_muzeya_istorii_goroda.nabchelny.ru/s_1590/p_13322/
  2. «История создания музея истории города Набережные Челны». www.nabchelny.ru. Արխիվացված է օրիգինալից 2014 թ․ հունվարի 7-ին. Վերցված է 2014 թ․ հունվարի 7-ին.
  3. 3,0 3,1 «Описание музея истории города Набережные Челны». www.museum.ru. Վերցված է 2014 թ․ հունվարի 7-ին.

Արտաքին հղումներ[խմբագրել | խմբագրել կոդը]