Յումեր Պամպուրի

Վիքիպեդիայից՝ ազատ հանրագիտարանից
Յումեր Պամպուրի
Kampion olimpik në peshëngritje (1972), Ymer Pampuri..jpg
Անձնական տեղեկություն
Սեռ՝արական
Մասնագիտացում՝ծանրամարտիկ
Երկիր՝Flag of Albania.svg Ալբանիա
Ծննդյան ամսաթիվ՝ապրիլի 20, 1944(1944-04-20)
Ծննդավայր՝Տիրանա, Ալբանիա
Մահվան ամսաթիվ՝հունվարի 18, 2017(2017-01-18)[1] (72 տարեկան)
Մահվան վայր՝Տիրանա, Ալբանիա

Յումեր Պամպուրի (ալբ․՝ Ymer Pampuri, ապրիլի 20, 1944(1944-04-20), Տիրանա, Ալբանիա - հունվարի 18, 2017(2017-01-18)[1], Տիրանա, Ալբանիա), ալբանացի ծանրամարտիկ, որ 1972 թվականի Ամառային օլիմպիական խաղերում դարձել է առաջին ալբանացին, որ սահմանել է օլիմպիական ռեկորդ, եղել է առաջին ալբանացին, որ դարձել է աշխարհի չեմպիոն և աշխարհի վերջին չեմպիոնը երկաթաձողի ձիգ բարձրացում գլխի վերևում մարզաձևում, քանի որ 1972 թվականից այդ մարզաձևն այլևս չի ներառվել մրջազգային մրցաշարերի ծրագրերում։

Կենսագրություն[խմբագրել | խմբագրել կոդը]

Պամպուրին ծնվել է Ալբանիայի մայրաքաղաք Տիրանայում։ Յոթ տարեկանում ընդունվել է Տիրանայի կրկես՝ աշխատելով որպես ակրոբատ։ Սակայն հետո որոշել է զբաղվել ծանրամարտով։ Պամպուրին դարձել է Տիրանայի «17 Nentori» մարզական միության անդամ։ 1964-1974 թվականներին ամեն տարի հաղթել է երկրի առաջնություններում[2]։

1972 թվականին Պամպուրին ընտրվել է ներկայացնելու Ալբանիան Ռումինիայի Կոնստանցա քաղաքում անցկացվող Եվրոպայի առաջնությունում։ Նա բարձրացրել է 125 կգ, ինչպես և լեհ ատլետ Հենրիկ Տրեմբիցկին, սակայն զիջել է նրան սեփական քաշով և և զբաղեցրել երկրորդ տեղը։ Նույն թվականին նա մասնակցել է Ամառային օլիմպիական խաղերին։ 1972 թվականին, երբ Պամպուրին և իր մարզիչը պետք է մեկնեին Մյունխեն, մարզիչը` Զյուդի Մազրեկուն, հայտարարել է, որ իրենք պատրաստվում են օլիմպիադայից մեդալ բերել, սակայն ալբանացի մարզական ղեկավարներից շատերը ծիծաղել են[3]։ 27 տարեկանում «17 Nentori» միության ծանրորդը գերազանցել է Յոսինոբու Միյակեի կողմից սահմանված օլիմպիական ռեկորդը երկաթաձողի ձիգ բարձրացում գլխի վերևում կատեգորիայում՝ բարձրացնելով 127,5 կգ ծանրաձողը։ Դա տեղի է ունեցել 1972 թվականի օգոստոսի 29-ին, երբ Պամպուրին սահմանել է ռեկորդ և դարձել աշխարհի չեմպիոն[4]։ Եռամարտի արդյունքներով նա զբաղեցրել է իններորդ տեղը մրցաշարում։

Իր ձեռքբերումների համար Յումեր Պամպուրին ստացել է «Mjeshter i Madh i Punes» կոչումը։ 1981 թվականին դադարեցրել է մասնակցությունը մարզական մրցաշարերին։ Նա կրկին սկսել է հանդես գալ կրկեսում մինչև 1994 թվականին թոշակի անցնելը։ 2006 թվականին վերադարձել է ծանրամարտին, որպեսզի մի շարք այլ վետերան ծանրորդների հետ մասնակցի Ֆրանսիայի առաջնությանը։ Յումեր Պամպուրին մահացել է սրտի կաթվածից 2017 թվականի հունվարի 18-ին[5]։

Ծանոթագրություններ[խմբագրել | խմբագրել կոդը]

  1. 1,0 1,1 1,2 Ymer Pampuri passed away
  2. The Albanian world champion, Ymer Pampuri dies at the age of 73
  3. Interviste e Ymer Pampurit. Tirana, Albania. Retrieved 18 April 2006.
  4. «Ymer Pampuri at Sports reference»։ Արխիվացված է օրիգինալից 2012-08-16-ին։ Վերցված է 2018-04-29 
  5. «Ymer Pampuri, Albanian sport legend, passed away at 73»։ Արխիվացված է օրիգինալից 2017-04-18-ին։ Վերցված է 2018-04-29 

Արտաքին հղումներ[խմբագրել | խմբագրել կոդը]