Յայոի Կուսամայի թանգարան (ճապոներեն՝ 草間彌生美術館), ճապոնացի բազմաժանր նկարչուհի Յայոի Կուսամայի ստեղծագործությունների արտացոլմանն ու լուսանանմանը նվիրված ժամանակակից արվեստի թանգարան Ճապոնիայի մայրաքաղաք Տոկիոյում[2]։ Գտնվում է Տոկիոյի արևմտյան արվարձանում՝ Շինջուկու Ուորդում[3][4]։ Թանգարանի հինգհարկանի շենքը կառուցվել է ճարտարապետական Կումե Սեկկեյ ֆիրմայի նախագծով[5]։ Շինարարությունն ավարտվել է 2014 թվականին[6], իսկ բացման հանդիսավոր արարողությունը տեղի է ունեցել 2017 թվականին։ Ընդ որում՝ այդ հանդիսությունը զուգակցվել է նկարչուհու վեց հարյուր աշխատանքներ ընդգրկող ցուցահանդեսի բացման հետ[7]։ Թանգարանի հարկաբաժիններից մեկը նվիրված է հավերժության թեմաներով Կուսամայի ստեղծած ինստալյացիաների ցուցադրությանը, որը վերնագրված է՝ «Դդումները հավերժությունից այն կողմ ճչում են սիրո մասին»[8]։
Թանգարանն օրական ընդունում է 200 այցելու, որոնց տրվում են կոնկրետ ժամ նշված տոմսեր[8][9]։ Բացվելուց ընդամենը մեկ տարի անց՝ 2018 թվականին թանգարանն առաջին տեղն է զբաղեցրել Time Out ամսագրի պատրաստած «Աշխարհի լավագույն թանգարաններ» ցանկում[10]։
↑Tokio, Christoph Neidhart (2019 թ․ փետրվարի 15). «Poppig, bunt - und ausweglos». Արխիվացված օրիգինալից 2019 թ․ հուլիսի 19-ին. Վերցված է 2019 թ․ հուլիսի 19-ին – via Sueddeutsche.de.
↑EDT, David Farley On 6/27/19 at 9:33 AM (2019 թ․ հունիսի 27). «The 8 Best Museums in Tokyo». Newsweek. Արխիվացված օրիգինալից 2019 թ․ հուլիսի 19-ին. Վերցված է 2019 թ․ հուլիսի 19-ին.{{cite web}}: CS1 սպաս․ թվային անուններ: authors list (link)