Մորուքի փառատոն

«Մորուքի փառատոն»;
Տեսակ	փառատոն
Ժամանակաշրջան	2019 թվականի հունիսի 15
Հաճախականություն	ամենամյա
Վայր	Դիլիջան
Առաջինը	2019

Մորուքի փառատոն (Մորուք fest), հայաստանյան ամենամյա փառատոն, որն առաջին անգամ տեղի է ունեցել 2019 թվականի հունիսի 15–ին Դիլիջանում^[1]։

Նպատակն է կոտրել բոլոր կարծրատիպերը Հայաստանում անցկացվող փառատոների ստանդարտ բնույթի հետ կապված և դրանով իսկ միջազգային զբոսաշրջային շուկայում բարձրացնել Հայաստանի գրավչության մակարդակը^[2]։

Պատմություն[խմբագրել | խմբագրել կոդը]

«Մորուքի փառատոնի» կազմակերպիչն է «ԷվենտՏուրա» ընկերությունը^[3]։ Այն դարձել է Հայաստանի առաջին փառատոներից մեկը, որն իր մեջ համապարփակորեն ներառում է զվարճանքը, հումորը, ժամանցը, աշխարհի նոր տենդեցների ռիթմը։

Փառատոնի ստեղծման համար հիմք է հանդիսացել վերջին շրջանում միջազգային մակարդակով նկատվող միտումը․ այսօր տղամարդկանց մոտ միջազգային մակարդակով նկատվում է մորուք պահելու տենդենց, ինչպես նաև կանանց շրջանակներում՝ մեծ հետաքրքրություն մորուքով տղամարդկանց նկատմամբ^[4]։

Նկարագրություն[խմբագրել | խմբագրել կոդը]

Փառատոնի շրջանակներում անց են կացվում մի շարք մրցույթներ, որոնք բաղկացած են տարբեր անվանակարգերից՝ «Երկար մորուք», «Կլասիկ մորուք», «Կաֆունե մորուք» «Կրեատիվ մորուք»^[5]։

Հունիսի 15-ին հայաստանյան հանրահայտ սափրիչները ցույց կտան իրենց հմտությունները, օրվա վերջում կրեատիվ մորուքներով մոդելները կընտրվեն կանանցից կազմված ժյուրիի կողմից, այնուհետև բոլոր անվանակարգերը կհայտարարվեն բեմից և կպարգևատրվեն։