Մշակույթի և հանգստի զբոսայգի (Վոլգոգրադ)
 | |
|---|---|
 | |
| Տեսակ | պուրակ |
| Երկիր |  Ռուսաստան |
| Վարչատարածք | Վոլգոգրադ |
| Հիմնվել է | 1960 |
  | |
.svg) | |
Մշակույթի և հանգստի զբոսայգի (ռուս.՝ Центральный парк культуры и отдыха Волгограда), գտնվում է Վոլգոգրադ քաղաքի կենտրոնական շրջանում, Վոլգա գետի ափին։
Պատմություն[խմբագրել | խմբագրել կոդը]
XIX դարի վերջում այգու տարածքում տեղակայված է եղել Նոբելևսկի թաղամասը։ Վոլգոգրադի մշակույթի և հանգստի զբոսայգու պատմությունը սկսվում է 1960-ական թվականներին, երբ քաղաքի կենտրոնական մասում ակտիվ շինարարական աշխատանքներ են սկսվել։ Այգու առաջին նախագիծը պատրաստվել է 1967 թվականին։ Հետագայում դա մի քանի անգամ շտկվել և փոփոխվել է։ 1996 թվականի հունիսի 11-ին կենտրոնական պուրակը ստացել է Վոլգոգրադի «քաղաքային մշակութային հաստատության» պաշտոնական կարգավիճակ։
2013 թվականի ապրիլին ադրբեջանական պատվիրակության Վոլգոգրադ կատարած պաշտոնական այցի ընթացքում պայմանավորվածություն է ձեռք բերվել Մշակույթի և հանգստի զբոսայգու տարածքում «Բաքու» պուրակի կառուցման և այնտեղ Հեյդար Ալիևի հուշարձանը տեղադրելու մասին[1], ինչը դժգոհությունների ալիք է բարձրացրել[2]։ Ռուս ճարտարապետ Անդրեյ Չույկովը Վոլգոգրադի կենտրոնում օտարերկրացի առաջնորդի հուշարձանը տեղադրելու որոշումն անհեռատես քայլ է որակել[2]։
|
Չնայած մեր ժողովուրդների դարավոր բարեկամությանը՝ ես կարծում եմ, որ սա բավական չմատծված և անհեռատես քայլ է։ Վոլգոգրադի կենտրոնական զբոսայգին այն վայրը չէ, որը կարելի է, առանց վոլգոգրադցիների կարծիքը հաշվի առնելու, վերածել «Բաքվի մասնաճյուղի[2]։ - Անդրեյ Չույկով
|
|
Ենթակառուցվածքներ[խմբագրել | խմբագրել կոդը]
Ներկայումս այգու հրապարակը գտնվում է Վոլգոգրադի գեղատեսիլ վայրերից մեկում, Վոլգա գետի ափին, զբաղեցնում է 29 հեկտար տարածք, որտեղ աճեցվում են 50 տեսակի մոտ 10 հազար հատ ծառեր։ Այգու տարածքում գործում են ավելի քան 20 ատրակցիոններ, որոնցից 16-ը մեխանիկական, այդ թվում 2-ը հատուկ բարդության, «Դիտման անիվ» և «Օրբիտա» կարուսել։ Այգու ծառուղիների ընդհանուր երկարությունը կազմում է ավելի քան 6 կմ[3]։ 2013 թվականի դրությամբ այգու տարածքում բացի վերը հիշատակված ատրակցիոններից, այլ նշանակալի որևէ բան չկա։ Այգու ողջ տարածքը բարձիթողի վիճակում է, որը անթույլատրելի է նման խոշոր քաղաքի իշխանությունների համար։
Շինարարությունը այգու տարածքում[խմբագրել | խմբագրել կոդը]
Այգու տարածքում կառուցվել են վեց բարձրահարկ բնակելի շենքեր։ 2013 թվականի հունիսի դրությամբ իրականացվում է ևս մեկ շենքի շինարարություն։
2018 թվականի աշխարհի առաջնության շրջանակներում նախատեսվում է այգու տարածքում կառուցել հյուրանոցներ։
Ծանոթագրություններ[խմբագրել | խմբագրել կոդը]
- ↑ В Волгограде заложен фундамент парка российско-азербайджанской дружбы
- ↑ 2,0 2,1 2,2 «Ո՞վ է Հեյդար Ալիևը, որ նրա հուշարձանը կանգնեցնում են Վոլգոգրադի կենտրոնում. Ալիև-ավագին չեն ցանկանում տեսնել նաև վոլգոգրադցիները». Արխիվացված է օրիգինալից 2022 թ․ փետրվարի 11-ին. Վերցված է 2018 թ․ մարտի 19-ին.
- ↑ «Центральный парк культуры и отдыха». Արխիվացված է օրիգինալից 2013 թ․ ապրիլի 14-ին. Վերցված է 2018 թ․ մարտի 20-ին.
Արտաքին հղումներ[խմբագրել | խմբագրել կոդը]
www.volganet.ru(չաշխատող հղում) — В День народного единства в Волгоградской области высадили Аллею Дружбы