Միտրոֆան Տուրսկու հուշարձան
 | |
|---|---|
 Միտրոֆան Տուրսկու կիսանդրին | |
 | |
 | |
| Տեսակ | հուշարձան և քանդակ |
| Ստեղծում | 1912 |
| Երկիր |  Ռուսաստան |
| Բնակավայր | Timiryazevsky District? և Մոսկվա |
| Շինության ձև | Կիսանդրի |
| Նյութ | բրոնզ և գրանիտ |
| Մասն է | Petrovsko-Razumovskoe estate? |
| Ներկա վիճակ | Կանգուն |
պատկերված են
| |
 Monument to Mitrofan Tursky Վիքիպահեստում | |
Միտրոֆան Տուրսկու կիսանդրի (ռուս.՝ Бюст Митрофана Турского), հուշարձան Ռուսաստանի Դաշնության մայրաքաղաք Մոսկվայում, որը նվիրված է ռուս անտառաբույծ Միտրոֆան Կուզմիչ Տուրսկուն։ Տեղադրվել է 1912 թվականին Պետրովյան գյուղատնտեսական ակադեմիայի տարածքում։ Հուշարձանի հեղինակն է քանդակագործ Պ. Վ. Ձյուբանովը։ Կոթողն ունի մշակութային ժառանգության դաշնային նշանակության օբյեկտի կարգավիճակ[1]։
Պատմություն
[խմբագրել | խմբագրել կոդը]Միտրոֆան Կուզմիչ Տուրսկին (1840-1899 թվականներին) եղել է հայտնի անտառաբույծ և Պետրովյան գյուղատնտեսական ակադեմիայի պրոֆեսոր։ 20-րդ դարի սկզբին ակադեմիայի դասախոսները որոշել են հավերժացնել նրա հիշատակը։ Հուշարձանը տեղադրելու համար կազմակերպվել է դրամահավաք, որին մասնակցել է շուրջ 4 հազար մարդ։ Անցկացվել է մրցույթ, որին մասնակցել է 11 նախագիծ։ Նրանցից հաղթել է ակադեմիայի ուսանող քանդակագործ Պ. Վ. Ձյուբանովի նախագիծը։ Հուշարձանը հանդիսավորությամբ բացվել է 1912 թվականի հուլիսի 29-ին[2]։ Այն տեղադրվել է ակադեմիայի անտառային կաբինետի մերձակա պուրակում[3]։
Նկարագրություն
[խմբագրել | խմբագրել կոդը]Միտրոֆան Տուրսկու կիսանդրին տեղադրված է գրանիտե բարձր պատվանդանի վրա։ Պրոֆեսորը պատկերված է ամբիոնի մոտ։ Նա կարծես նայում է դեպի մեծ լսարանը։ Նրա աջ ձեռքի տակ գիրք է[4]։
Քառանիստ պատվանդանի ներքևի մասում արված է բրոնզե հարթաքանդակ, որը պատկերում է, թե ինչպես են տարեց գյուղացին և տղան փոքր սոճի տնկում։ Դրանից վերև պատվանդանի վրա գրված է՝ «Մ. Կ. Տուրսկուն 1840-1899»։ Պատվանդանի հետնամասում գրված է՝ «Անտառային ասպարեզում փառապանծ սերմնացանին. անտառային Ռուսաստան»[3]։
Պատկերասրահ
[խմբագրել | խմբագրել կոդը]-
Կիսանդրին -
Հարթաքանդակը
Ծանոթագրություններ
[խմբագրել | խմբագրել կոդը]- ↑ «Бюст М.К.Турского, 1912 г., ск. М.И.Дзюбанов, бронза, гранит». Департамент культурного наследия Москвы. Արխիվացված է օրիգինալից 2017 թ․ մարտի 16-ին. Վերցված է 2017 թ․ մարտի 15-ին.
- ↑ Известия Тимирязевской сельскохозяйственной академии, Выпуски 1-3. — М.: Изд-во "Колос", 1990. — С. 185.
- ↑ 3,0 3,1 К. Г. Сокол Монументальные памятники Российской империи: каталог. — М.: Вагриус Плюс, 2006. — С. 340.
- ↑ А. В. Канторович По Тимирязевской академии. — М.: Гос. изд-во культурно-просветительной лит-ры, 1956. — С. 259.