Միդմար ամրոց
 | |
|---|---|
 Նկարագրություն | |
| Տեսակ | դղյակ |
| Վարչական միավոր | Աբերդինշիր[1][2] |
| Երկիր | .svg){kind=small} Միացյալ Թագավորություն |
 | |
 | |
 Midmar Castle Վիքիպահեստում | |
Միդմար ամրոց, 16-րդ դարի դղյակ Շոտլանդիայի Աբերդինշիր մարզում, Վեստհիլ քաղաքից 12 կմ դեպի արևմուտք։ Կառուցվել է 1565-1575 թվականների ընթացքում միդմարցի Ջորջ Գորդոնի համար քարտաշ-որմնադիր ու ճարտարապետ Ջորջ Բելի կողմից[3]։ Պահպանվում է որպես Ա դասի կառույց[4]։
Պատմություն[խմբագրել | խմբագրել կոդը]
Ներկայիս կառույցը կանգնեցվել է ավելի վաղ գոյություն ունեցած աշտարակի տեղում, որն ավերել են Մարի Ստյուարտին հավատարիմ ուժերը 1562 թվականին Հանթլիի 4-րդ կոմս Ջորջ Գորդոնի դեմ պատժիչ արշավի ընթացքում։ Այս արշավի գագաթնակետը Քորիչիի ճակատամարտն էր, որտեղ կռվել է նաև Միդմարի Ջորջ Գորդոնը։ Հետագայում նրան զրկել են իր կալվածքներից, թեև դրանք հետ են վերադարձվել 1565 թվականին, որից հետո նա վարձել է Ջորջ Բելին նոր աշտարակ կառուցելու համար։ 1594 թվականին Գլենլիվետի ճակատամարտից հետո ամրոցի վրա հարձակում է իրականացվել[3]։
1728 թվականին Ալեքսանդր Գրանտը գնել է Միդմար ամրոցն ու այն անվանել Գրանտսֆիլդ[3]։ 1730 թվականից ամրոցը ներսից ու դրսից ձևափոխությունների է ենթարկվել, և մերօրյա ներսակողմյան մասը թվագրվում է այդ ժամանակով։ Վերանորոգումներ են իրականացվել 1840 թվականին[4]։ 1842 թվականից մինչև 1977 թվականն ամրոցն անբնակ է եղել, թեև պահպանվել է 18-րդ դարի սենյակներով հանդերձ[3]։ Վերականգնումն սկսվել է 1977 թվականին և այդ ժամանակից ի վեր այն մասնավոր բնակավայր է։ 2011 թվականի հուլիսին վաճառվել է «Դանա Փեթրոլիում» ընկերության նախկին գործադիր տնօրեն Թոմ Քրոսին £2.8 միլիոն ֆունտով[5]։
16-րդ կամ 17-րդ դարի պարսպապատ այգին նույնպես Ա դասի կառույց է[6]՝ 18-րդ դարում կառուցված արևային ժամացույցի հետ[7]։
Ծանոթագրություններ[խմբագրել | խմբագրել կոդը]
- ↑ Historic Environment Scotland ID
- ↑ Historic Environment Scotland ID
- ↑ 3,0 3,1 3,2 3,3 Midmar castle, walled garden
- ↑ 4,0 4,1 [1]
- ↑ «Former oil boss king of the castle». The Press and Journal. 2011 թ․ հուլիսի 27.
- ↑ Կաղապար:Historic Environment Scotland
- ↑ «MIDMAR CASTLE, SUNDIAL (LB16263)». portal.historicenvironment.scot. Վերցված է 2019 թ․ նոյեմբերի 23-ին.
Արտաքին հղումներ[խմբագրել | խմբագրել կոդը]
- Slade, H Gordon (1983). «Midmar Castle, Aberdeenshire» (PDF). Proceedings of the Society of Antiquaries of Scotland. 113: 594–619. Արխիվացված է օրիգինալից (PDF) 2012 թ․ մայիսի 15-ին. Վերցված է 2019 թ․ նոյեմբերի 21-ին.
 | Վիքիպահեստն ունի նյութեր, որոնք վերաբերում են «Միդմար ամրոց» հոդվածին։ |
|
