Մարի Ստյուարտ
Մարի Ստյուարտ | |
|---|---|
 | |
| Ծնվել է՝ | դեկտեմբերի 8, 1542 |
| Ծննդավայր | Linlithgow |
| Մահացել է՝ | փետրվարի 8, 1587[1][2][3][4][5][6] (44 տարեկանում) մահապատիժ |
| Վախճանի վայր | Fotheringhay Castle, Fotheringhay, East Northamptonshire, Նորթհեմփթոնշիր, Անգլիա |
| Վեստմինստերյան աբբայություն | |
| Քաղաքացիություն |  Շոտլանդիայի թագավորություն |
| Ազգություն | Շոտլանդացիներ |
| Տոհմ | Ստյուարտներ |
| քաղաքական գործիչ և գերիշխան | |
| Հայր | Ջեյմս V (Շոտլանդիայի թագավոր) |
| Մայր | Մարի դե Գիզ |
| Երեխաներ | Հակոբ Ա, stillborn twin Hepburn?[4] և stillborn twin Hepburn?[4] |
| Կրոնական հավատքներ | կաթոլիկություն |
| Ստորագրություն |  |
Մարի, Շոտլանդիայի թագուհի (1542 թ․ դեկ․ 8-1587 թ, փետ․ 8), հայտնի է նաև որպես Մարի Ստյուարտ անվամբ կամ Մարի I Շոտլանդացի, Շոտլանդիայի կառավարիչ սկսած 1542 թ․ դեկտեմբերի 14-ից մինչև 1567 թ․ հուլիսի 24։
Մարին Շոտլանդիայի արքա Հակոբ V Շոտլանդացու[7] (մայրը՝ Մարի դը Գիզ[8]) միակ ողջ մնացած և օրինական երեխան էր և ընդամենը վեց օրական էր, երբ իր հայրը մահացավ և նա հայտարարվեց որպես գահի հետնորդ։ Նա անցկացրել է իր մանկության մեծ մասը Ֆրանսիայում՝ մինչ Շոտլանդիան կառավարվում էր ռեգենտների՝ ժամանակավոր կառավարիչների կողմից (ռեգենտը կառավարում էր այն դեպքում, երբ թագավորը ի վիճակի չէր, անչափահաս էր կամ բացակայում էր որոշ ժամանակ)։ 1558 թ․ նա ամուսնանում է Ֆրանսիայի թագաժառանգ, Վալուաների տոհմի ներկայացուցիչ Ֆրանցիսկ II-ի հետ։ Մարին Ֆրանսիայի թագուհին է եղել սկսած 1559 թ․ Ֆրանցիսկի գահ բարձրանալուց մինչև վերջինիս մահը՝ 1560 թ․ դեկտեմբերին։ 1561 թ․ օգոստոսի 19-ին Մարին վերադառնում է Շոտլանդիա և գնում Լեյթ նավահանգիստ։ Չորս տարի անց նա ամուսնանում է իր զարմիկի՝ Հենրի Ստյուարտի հետ, ավելի հայտնի որպես Լորդ Դարնլի, և 1566 թ․ հունիսին ծնվում է նրանց որդին՝ Հակոբը։
1567 թ․ փետրվարին Դարնլիի նստավայրը պայթյունով ոչնչացվում է, իսկ Դարնլիին գտնում են այգում սպանված։ Ենթադրվում էր, որ Դարնլիի սպանությունը կազմակերպվել է Բոթվելի 4-րդ կոմսի՝ Ջեյմս Հեփբորնի կողմից, բայց նա 1562 թ․ ապրիլին արդարացվեց մեղադրանքից և հաջորդ ամիս ամուսնացավ Մարիի հետ։ Զույգի դեմ ապստամբությունից հետո Մարին բանտարկվեց Loch Leven ամրոցում[9]։ 1567 թ․ հուլիսի 24-ին նա ստիպված էր հրաժարվել գահից ի օգուտ իր մեկ տարեկան որդու։ Գահը հետ վերադարձնելու անհաջող փորձից հետո նա փախավ հարավ՝ օգնություն փնտրելու իր զարմուհու՝ Անգլիայի թագուհի Եղիսաբեթ I-ի մոտ։ Նախկինում Մարին հավակնում էր Եղիսաբեթի գահին և համարվում էր օրինական գահաժառանգ ոչ միայն շոտլանդացիների, այլ նաև մի շարք անգլիական կաթոլիկների, ինչպես նաև «Հարավի ապստամբության» մասնակիցների կողմից։ Ընդունելով Մարիին որպես վտանգ, Եղիսաբեթը բանտարկում է նրան Անգլիայի տարբեր ամրոցներում։ Տասնութ տարուց ավել հսկողության տակ գտնվելուց հետո 1586 թ․ Մարին կասկածվեց Եղիսաբեթի սպանության համար պայմանավորվածության մեջ և հաջորդ տարի գլխատվեց Ֆոթերինգհեյ ամրոցում։
| ||||||||||
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 7, էջ 316)։ 
|
- ↑ SNAC — 2010.
- ↑ International Music Score Library Project — 2006.
- ↑ Encyclopædia Britannica
- ↑ 4,0 4,1 4,2 Lundy D. R. The Peerage — ed. size: 717826
- ↑ Discogs — 2000.
- ↑ Brockhaus Enzyklopädie
- ↑ «James V of Scotland» (անգլերեն)։ 2019-06-11
- ↑ «Mary of Guise» (անգլերեն)։ 2019-07-06
- ↑ «Loch Leven Castle» (անգլերեն)։ 2019-06-26
