Միանգամյա օգտագործման դրախտ
Միանգամյա օգտագործման դրախտ ռուս.՝ Одноразовый рай | |
---|---|
Տեսակ | մուլտֆիլմ |
Երաժշտություն | Արեգ Նազարյան |
Երկիր | Ռուսաստան |
Ընկերություն | Master-film? |
Տևողություն | 3 րոպե |
Պատկերի ձևաչափ | Betacam SP? |
Թվական | 2003[1] |
«Միանգամյա օգտագործման ցանկ» (ռուս.՝ «Однора́зовый рай»), 2003 թվականի[2] կարճամետրաժ մուլտֆիլմ, որը նորովի է մեկնաբանում Ադամի ու Եվայի պատվիրազանցության պատմությունը։
Մուլտֆիլմի անոտացիան՝ «Հետաքրքրասիրությունը արատ չէ, այլ առաջընթաց»[3][4]։
Սյուժե
[խմբագրել | խմբագրել կոդը]Ֆիլմը ներկայացնում է Ադամի ու Եվայի մեղսագործության ոչ ավանդական պատմությունը։ Մուլտֆիլմի ընթացքում հնչում են իրադարձությունների մասնակիցների արձակած առանձին ձայներ, ինչպես նաև օրիգինալ երաժշտություն, սակայն հերոսները չեն խոսում։
Սկզբում ցուցադրվում է բնապատկերի մի հատված, ապա բնապատկերն ամբողջությամբ։ Երկնագւյն ծաղիկներով պատված բլուրների գագաթներին երևում են առանց ծաղիկների փոքր մարգագետիններ, որոնցից մեկում աճել է բարու և չարի ճանաչման ծառը։
Ծաղիկների վրայով նախ քայլում, ապա վազում են Ադամն ու Եվան։ Եվան գնում է առջևից և Ադամին տանում ծառի մոտ։ Նրանց անցած ճանապարհին մնում է տրորված ծաղիկների շերտը։ Եվան ունի երկար մազեր և բավական նկատելի կուրծք, իսկ Ադամը ճաղատ է ու առանց սեռական որոշակի հատկանիշների։
Որդը կրծում է խնձորը ներսից և հանկարծ լսում է, որ ինչ-որ մեկն այն կրծում է դրսից։ Որդը փորձում է դուրս գալ, բայց այդ պահին լսվում է խնձորը հերթական անգամ կծելու ձայնը, և որդի շուրջն ամեն ինչ սևանում է։
Ադամն ու Եվան դադարում են ծամել, Եվան զկրտում է։ Ադամը նետում է խնձորը, որը նախքան այդ ուտում էր։ Ադամը նույնպես զկրտում է, ինչից հետո Երկրի առաջին մարդւ մոտ հայտնվում է առնանդամը, որը հիշեցնում է Ադամի կոլւ տված որդին։ Ադամը շփոթված է, իսկ Եվան դիտում է նրան, ապա բռնում գլուխն ու գոռում։ Նրա գոռոցից շուրջը գտնվող ծառերի խնձորդներից դուրս են գալիս բոլոր որդերը՝ տեսնելու, թե ինչ է պատահել։
Ստեղծողներ
[խմբագրել | խմբագրել կոդը]Ռեժիսոր | Աննա Քոլոզյան |
Սցենարիստ | Աննա Քոլոզյան |
Նկարիչ | Աննա Քոլոզյան |
Նկարիչ-մուլտիպլիկատորներ | Աննա Քլոզյան, Աննա Չիստովա |
Պրոդյուսերներ | Վյաչեսլավ Մայասով, Ալեքսանդր Գերասիմով |
Կոմպոզիտոր | Արեգ Նազարյան |
Հնչյունային օպերատորներ | Լ. Հախվերդյան, Արեգ Նազարյան |
Փառատոններ և մրցանակներ
[խմբագրել | խմբագրել կոդը]- 2004 ֆիլմը մասնակցել է «Նիկա» կինոփառատոնի մրցութային ծրագրին[5].
- Ֆիլմը մասնակցել է Սուզդալ-2005 փառատոնի ինֆորմացիոն ծրագրին[3][6],
- 2005 թվականին ֆիլմը մասնակցել է «ԲԻՄԻՆԻ» անիմացիոն ֆիլմերի միջազգային փառատոնին (Ռիգա)[7]։
- 2008 թվականին ֆիլմը մասնակցել է ժամանակակից ռուսական անիմացիայի «ReАнимация» փառատոնի ծրագրին (Կրասնոդար)[8]։
- 2010 թվականին ֆիլմը մասնակցել է Ռուսական կինոյի փառատոնին (Festival du cinéma russe à Honfleur) Օնֆլերում[4]։
Հետաքրքիր փաստեր
[խմբագրել | խմբագրել կոդը]- Ֆիլմում օգտագործվել է Արտո Թունջբոյաջյանի երաժշտությունը։ Լուսագրերում նշված են երկու կոմպոզիտորներ՝ Արտո Թունջբոյաջյան և Արեգ Նազարյան[9], ընդ որում՝ առաջինը նշված է Թունջբոյաջյանի անունը, սակայն «Аниматор.ру» կայքում ֆիլմում Թունջբոյաջյանի երաժշտությունն օգտագործելու մասին ինֆորմացիան բացակայում է[3], ինչպես նաև նրա անունը նշված չէ կոմպոզիտորների ամբողջական ցանկում «Аниматор.ру» կայքում[10]։
Քննադատություն
[խմբագրել | խմբագրել կոդը]- Ռուսլան Սաղաբալյանի հոդվածում «Միանգամյա օգտագործման դրախտ» մուլտֆիլմի հերոսներ Ադամն ու Եվան սկզբում բնութագրվում են որպես «երկու անսեռ արարածներ», «անդրոիդներ»[7]։
- 2017 թվականի հունիսին վիդեոբլոգեր Պիկուլին հրապարակել է մուլտֆիլմի 10 րոպեանոց վերլուծություն, որը մուլտֆիլմի բովանդակությունն ասոցացնում է դպրոցներում «ՈՒղղափառ մշակույթի հիմունքներ» առարկայի ներմուծման հետ[11]։
Ծանոթագրություններ
[խմբագրել | խմբագրել կոդը]- ↑ https://web.archive.org/web/20050119195814/http://www.masterfilm.ru/film.php?id=22
- ↑ «Одноразовый рай (2003)». masterfilm.ru. 2005 թ․ հունվարի 19. Արխիվացված է օրիգինալից 2005 թ․ հունվարի 19-ին. Վերցված է 2017 թ․ փետրվարի 18-ին.
- ↑ 3,0 3,1 3,2 «Российская анимация в буквах и фигурах | Фильмы | «ОДНОРАЗОВЫЙ РАЙ»». animator.ru. Վերցված է 2017 թ․ փետրվարի 23-ին.
- ↑ 4,0 4,1 «Одноразовый рай». kinoglaz.fr. Վերցված է 2017 թ․ փետրվարի 23-ին.
- ↑ «Новости | В этом году за обладание Национальной кинематографическ...». Аниматор.ру. 2004 թ․ փետրվարի 29. Վերցված է 2017 թ․ նոյեմբերի 1-ին.
- ↑ «Информационная программа - Открытый Российский фестиваль анимационного кино - Архив › Суздаль-2005». suzdalfest.ru. Վերցված է 2017 թ․ փետրվարի 23-ին.
- ↑ 7,0 7,1 Руслан Сагабалян (2005-06). «Одноразовый рай Анны Колозян». Ноев Ковчег (газета). Արխիվացված է օրիգինալից 2017 թ․ փետրվարի 16-ին. Վերցված է 2017 թ․ փետրվարի 18-ին.
- ↑ «Фестиваль современной российской анимации "ReАнимация"». yuga.ru. Վերցված է 2017 թ․ նոյեմբերի 1-ին.
- ↑ «Короткометражные мультфильмы - Одноразовый рай (2m46s)». youtube.com. Վերցված է 2017 թ․ փետրվարի 23-ին.
- ↑ «Российская анимация в буквах и фигурах | Персоналии | композиторы на букву Т». animator.ru. Վերցված է 2017 թ․ փետրվարի 23-ին.
- ↑ Пикули (2017 թ․ հունիսի 2). «ПатриотМУЛЬТЫ — Одноразовый рай (богомерзкий обзор)». youtube.com. Վերցված է 2017 թ․ հոկտեմբերի 31-ին.
Արտաքին հղումներ
[խմբագրել | խմբագրել կոդը]
|