Մերլին Մելցեր
Մերլին Մելցեր | |
---|---|
Ծնվել է | 1922 |
Ծննդավայր | Ֆիլադելֆիա, Փենսիլվանիա, ԱՄՆ |
Մահացել է | դեկտեմբերի 7, 2008 |
Մահվան վայր | Yardley, Բաքս շրջան, Փենսիլվանիա, ԱՄՆ |
Քաղաքացիություն | ԱՄՆ |
Կրթություն | Թեմփլի համալսարան |
Մասնագիտություն | մաթեմատիկոս, ճարտարագետ և համակարգչային գիտնական |
Պարգևներ և մրցանակներ | |
Marlyn Meltzer Վիքիպահեստում |
Մերլին Մելցեր (անգլ.՝ Marlyn Meltzer, 1922, Ֆիլադելֆիա, Փենսիլվանիա, ԱՄՆ - դեկտեմբերի 7, 2008, Yardley, Բաքս շրջան, Փենսիլվանիա, ԱՄՆ), ամերիկացի մաթեմատիկոս և համակարգչային ծրագրավորող, եղել է ԷՆԻԱԿ առաջին ընդհանուր նշանակության էլեկտրոնային թվային համակարգիչի առաջին ծրագրավողներից մեկը։
Կենսագրություն[խմբագրել | խմբագրել կոդը]
Մերլին Ուեսկոֆը (ծննդյան անուն) ծնվել է 1922 թվականին Ֆիլադելֆիայում, Փենսիլվանիա։ 1942 թվականին ավարտել է Թեմփլի համալսարանը։ Նույն թվականին նա աշխատանքի է ընդունվել Մուրի Էլեկտրատեխնիկայի դպրոց՝ եղանակի հաշվարկներ կատարելու համար, քանի որ նա փայլուն աշխատում էր հաշվիչ մեքենայի վրա։ Երկրորդ համաշխարհային պատերազմի ընթացքում Մերլինը տեղափոխվել է այլ բաժին, որը զբաղվում էր ձգաբանության հետագծերի հաշվարկով[2]։ 1945 թվականին Մերլինը և հինգ այլ աղջիկներ ընտրվել են ԷՆԻԱԿ առաջին ընդհանուր նշանակության էլեկտրոնային թվային համակարգիչի ծրագրավորողներ։
1947 թվականին Մերլինն ամուսնության պատճառով լքել է ծրագրավորողների խումբը․ նա ամուսնացել է բժիշկ Ֆիլիպ Մելցերի հետ և կրել վերջինիս ազգանունը։ Դրանից հետո նա կամավոր աշխատանք է կատարել գրադարանում, կիրակնօրյա դպրոցում և տուն առաքման ծառայությունում։ Իր կյանքի վերջին չորս տարիներին Մերլինը մոտ 500 գլխարկ է գործել «Սյուզան Գ. Կոմեն» կազմակերպության համար՝ քիմիաթերապիայի արդյունքում մազերը կորցրած կանանց համար։
Մերլին Մելցերը մահացել է 2008 թվականի դեկտեմբերի 7-ին, Յարդլի քաղաքում (Փենսիլվանիա), որտեղ նա ամուսնու հետ մշտապես ապրում էր 1957 թվականից[3]։
Հիշատակում[խմբագրել | խմբագրել կոդը]
- 1996 թվականին լույս է տեսել «ԷՆԻԱԿ-ի կանայք» գիրքը
- 1997 թվականին Մերլին Մելցերի և նրա հինգ կին գործընկերների անուններն ընդգրկվել են «Կանայք տեխնոլոգիաների ոլորտում» միջազգային փառքի սրահում[4][5]
- 2010 թվականին Էկրան Է բարձրացել ամերիկյան «Հույժ գաղտնի գեղեցկուհիներ. Երկրորդ համաշխարհային պատերազմի կին ծրագրավորաղները» վավերագրական ֆիլմը։
Ծանոթագրություններ[խմբագրել | խմբագրել կոդը]
- ↑ https://www.witi.com/halloffame/
- ↑ Invisible Women: The Six Human Computers Behind The ENIAC
- ↑ Marlyn Wescoff Meltzer
- ↑ Зал славы Women in Technology International Արխիվացված 2018-10-01 Wayback Machine (անգլ.)
- ↑ Джанелл Браун. Women Proto-Programmers Get Their Just Reward Արխիվացված 2017-03-17 Wayback Machine (անգլ.) на сайте wired.com, 8 мая 1997
Արտաքին հղումներ[խմբագրել | խմբագրել կոդը]
- Мэрлин Мельцер (անգլ.) на сайте ethw.org
- Die ENIAC-Programmiererinnen (գերմ.) на сайте frauen-informatik-geschichte.de
Վիքիպահեստն ունի նյութեր, որոնք վերաբերում են «Մերլին Մելցեր» հոդվածին։ |
|