Մեսրոպ Մեսրոպյան
Մեսրոպ Մեսրոպյան | |
---|---|
Ծնվել է | հուլիսի 1, 1920 |
Երկիր | Հայկական ԽՍՀ |
Մահացել է | հունվարի 10, 1983 (62 տարեկան) |
Կրթություն | Երևանի Կոմիտասի անվան պետական կոնսերվատորիա |
Մեսրոպ Տիգրանի Մեսրոպյան (հուլիսի 1, 1920 - հունվարի 10, 1983), հայ խմբավար։
Կենսագրություն[խմբագրել | խմբագրել կոդը]
Մեսրոպ Մեսրոպյանը ծնվել է 1920 թվականի հուլիսի 1-ին Այնթապում (Կիլիկիա)։ Սովորել է Այնթապի Կրթասիրաց վարժարանում։ 1941-1946 թվականներին եղել է Դամասկոսի ռադիոյի մենակատար (երգիչ, կիթառահար, խմբավար)։ 1946 թվականին հայրենադարձել է։ 1949 թվականին ավարտել է Երևանի Ռ. Մելիքյանի անվան երաժշտական ուսումնարանը, 1955 թվականին՝ Երևանի պետական կոնսերվատորիան։
1958-1983 թվականներին դասավանդել է ՀՊՄԻ-ում, նաև եղել է «Ծաղկեփունջ» կամերային երգչախմբի հիմնադիր-խմբավարը։ 1978-1983 թվականներին զուգահեռաբար եղել է Ե. Սահառունու անվան ժողովրդական երգի-պարի անսամբլի գեղարվեստական ղեկավար և գլխավոր դիրիժոր։
Մեսրոպ Մեսրոպյանը մահացել է 1983 թվականի հունվարի 10-ին։
Մրցանակներ[խմբագրել | խմբագրել կոդը]
- 1967 – Համամիութենական փառատոնի 2-րդ կարգի դիպլոմ (Մոսկվա),
- 1967 – Հանրապետական փառատոնի ոսկե մեդալ,
- 1968 – Հայաստանի երիտասարդական 1-ին փառատոնի արծաթե մեդալ,
- 1969 – Կոմիտասի 100-ամյակին նվիրված մրցույթի ոսկե մեդալ։
Գրականություն[խմբագրել | խմբագրել կոդը]
- «Ով ով է։ Հայեր» հանրագիտարան, հատոր երկրորդ, գլխ. խմբ. Հովհ. Այվազյան, Հայկական հանրագիտարան հրատ., Երևան, 2007։
Այս հոդվածի կամ նրա բաժնի որոշակի հատված վերցված է «Հայ երաժշտության հանրագիտարանից», որի նյութերը թողարկված են՝ Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։ |