Մարտին Աբրահամյան

Վիքիպեդիայից՝ ազատ հանրագիտարանից
Jump to navigation Jump to search
Մարտին Աբրահամյան
Ծնվել է 1949, հունիսի 10
Ծննդավայր Երևան
Քաղաքացիություն Հայաստան Հայաստան
Ազգություն հայ
Կրթություն ԵՊՀ
Գիտական աստիճան ֆիզիկամաթեմատիկական գիտությունների դոկտոր
Երկեր Մեխանիկայի ֆիզիկական հիմունքներ
Մասնագիտություն ֆիզիկոս

Մարտին Գրիգորի Աբրահամյան (ծնվ. 1949, հունիսի 10, Երևան), հայ ֆիզիկոս, ֆիզիկամաթեմատիկական գիտությունների դոկտոր (1986), պրոֆեսոր (1989

1966 թվականին ավարտել է Երևանի №32 միջնակարգ դպրոցը, 1971 թվականին՝ ԵՊՀ ֆիզիկայի ֆակուլտետը։ 1976 թվականին պաշտպանել է թեկնածուական, 1986 թվականին դոկտորական ատենախոսություն։ 1979 թվականին նրան շնորհվել է դոցենտի, 1989 թվականին պրոֆեսորի կոչում։

1971-1979 թվականներին եղել է ԵՊՀ ընդհանուր ֆիզիկայի ամբիոնի ավագ դասախոս, 1979֊1984 թվականներին՝ դոցենտ, 1984֊1990 թվականներին՝ ֆիզիկայի ֆակուլտետի դեկանի տեդակալ, իսկ 1991-1994 թվականներին՝ ընդհանուր ֆիզիկայի ամբիոնի վարիչ։ 1994֊1995 թվականներին վարել է Խ.Աբովյանի անվան հայկական պետական մանկավարժական համալսարանի գիտական աշխատանքների, իսկ 1995-2000 թվականներին ուսումնական աշխատանքների գծով պրոռեկտորի պաշտոնները։

Հեղինակ է ավելի քան 100 գիտական հոդվածների՝ նվիրված տեսական ֆիզիկայի և աստղաֆիզիկայի հարցերին, ավելի քան մեկ տասնյակ ուսումնական և ուսումնամեթոդական աշխատանքների, այդ թվում «Մեխանիկայի ֆիզիկական հիմունքներ» (Ե., 1997, 2008), «Ընդհանուր ֆիզիկայի խնդիրների ժnղովածու» (Ե., 2002), «Ընդհանուր ֆիզիկայի օպտիկա բաժնի խնդիրներ» (Ե., 2003) բուհական դասագրքերի։

Ռաֆայել Հովհաննիսյանի հետ մշակել է գալակտիկաների բազմաբաղադրիչ կառուցվածքի տեսությունը, տվել գալակտիկաների պարուրաձև կառուցվածքի ոչ գծային ալիքային մոդելը, առաջարկել աստղերի և ակտիվ գալակտիկաներից շիթային արտանետումների ոչ ստացիոնար մրրկային մոդել։

1990-1991 թվականներին գիտական սեմինարներով և դասախոսություններով հանդես է եկել Չինաստանի Նանկինի, Շանհայի, Սիանի և Պեկինի աստղադիտարաններում և համալսարաններում[1]։

Ծանոթագրություններ[խմբագրել | խմբագրել կոդը]

  1. Կենսագրական հանրագիտարան, Ե., ԵՊՀ հրատ., 2009, էջ 55: