Մարշալ Բաբաջանյան հրապարակ (Մոսկվա)

Մարշալ Բաբաջանյան հրապարակ
Երկիր	Ռուսաստան
Գտնվում է	Khoroshevo-Mnevniki District?
Երկարություն	0,85 ± 0,01 կմ
Փոստային ինդեքս	123308

Մարշալ Բաբաջանյան հրապարակ, (ռուս.՝ Площадь Маршала Бабаджаняна), գտնվում է Մոսկվայի արևմուտքում՝ Հյուսիս-արևմտյան վարչական շրջանի Խորոշևո-Մնևնիկի շրջանում՝ Մարշալ Ժուկովի պողոտայի, Մնևնիկի փողոցի և 3-րդ Խորոշևսկայայի միջև։ Հրապարակի անմիջապես կողքին գտնվում է Մարշալ Ժուկովի հրապարակը՝ մարշալի հուշարձանով։ Հարևան շենքերը հասցեագրված են հարակից փողոցների անուններով, իսկ Մարշալ Բաբաջանյան հրապարակի շենքերը համարակալված չեն։

Անվան ծագում[խմբագրել | խմբագրել կոդը]

Անվանվել է 1978 թվականին՝ ի պատիվ զրահատանկային զորքերի գլխավոր մարշալ, Խորհրդային Միության հերոս Համազասպ Խաչատուրի Բաբաջանյանի (1906-1977 թթ.)^[1]։ Հայրենական մեծ պատերազմի ժամանակ ղեկավարել է 395-րդ հրաձիգային գունդը, 20-րդ գվարդիական մեքենայացված բրիգադը, 11-րդ տանկային կորպուսը, մասնակցել է Մոսկվայի և Կուրսկի մարտերի, Բեռլինի ճակատամարտին^[2]։

Նկարագրություն[խմբագրել | խմբագրել կոդը]

Հրապարակը ձևավորվում է Մարշալ Ժուկովի պողոտայի և հյուսիսից նրան հարող 3-րդ Խորոշովսկայա փողոցի և դեպի հարավ-արևմուտք սուր անկյան տակ ճյուղավորվող Մնևնիկի փողոցի հետ։ Հրապարակին կից Մարշալ Ժուկովի հրապարակն է, որը գտնվում է պողոտայի և Մնևնիկի փողոցի վրա։

2016 թվականին հայ բարերար Հրաչյա Պողոսյանի նախաձեռնությամբ Մարշալ Բաբաջանյան հրապարակում բացվել է նրա հուշատախտակը^[3]։

«Որպես Բաբաջանյանի անունը կրող դպրոցի շրջանավարտ, երբեք չէի կարող մտածել, որ մի օր կկարողանամ իմ լուման ներդնել իր անունը կրող հրապարակում մեծ հայորդուն հավերժացնելու հարցում»

- Հրաչյա Պողոսյան