Մարմնի ծավալի ինդեքս

8 կանայք նույն մարմնի զանգվածի ինդեքսով (30), բայց քաշի տարբեր բաշխումներով, այսինքն՝ տարբեր մարմնի ծավալի ինդեքսով

:

Մարդու մարմնի զանգվածի ինդեքսը 53 է, քաշ 182 կգ, հասակ 185 սմ

Մարմնի ծավալի ինդեքս (անգլ.՝ Body Volume Index, ՄԾԻ), ճարպակալման չափման մեթոդ, որն առաջարկվել է 2000 թվականին անգլիական Select Research անգլ.՝ (Բիրմինգհեմ) ընկերության կողմից՝ որպես մարմնի զանգվածի ինդեքսի այլընտրանք, որը չէր տրամադրում կոնկրետ մարդու ճարպակալման ռիսկերի մասին ճշգրիտ տեղեկատվություն և հաշվի չէր առնում մարմնի զանգվածի բաշխումը (ոսկրերի կամ մկանների առավել կամ պակաս քանակությունը)։ Մարմնի ծավալի ինդեքսի հաշվարկման բանաձևն է․ $\mathrm {\text{ՄԾԻ}} ={\frac {\mathrm {\text{կիլոգրամ}} }{\mathrm {\text{մետր}} ^{2}}}$:

Այսպիսին է հաշվիչ աղյուսակը՝

ՄԾԻ	նկարագրություն
< 18.5	թերի քաշ
18.5–24.9	նորմալ քաշ
25.0–29.9	հավելյալ քաշ
30.0–34.9	1-ին կարգի գիրություն
35.0–39.9	2-րդ կարգի գիրություն
≥ 40.0	3-րդ կարգի գիրություն

Ներկայումս այս մեթոդը Body Benchmark Study երկամյա նախագծի շրջանակում փորձարկում է անցել ԱՄՆ-ում և Եվրոպայում. Մեթոդի հիմքում եռաչափ սքաների կիրառումն է։ ՄԾԻ-ի ծրագրային ապահովումը թույլ է տալիս մարդու մարմնի 3D մոդելավորման և մագնիսառեզոնանսային շերտագրության (ՄՌՇ) համեմատությամբ, հաշվարկել ճարպի, մասնավորապես որովայնի շրջանում կուտակված ճարպի բաշխումը։ Որովայնային ճարպը մետաբոլիկ համախտանիշով բարձր մակարդակի ռիսկի գործոն է սիրտ-անոթային հիվանդությունների և շաքարային դիաբետի համար։ Այս կազմակերպությունը ունի նաև հավելված [1] Archived 2020-01-25 at the Wayback Machine. iPhone-ների համար, որը 2 լուսանկարների (դիմացից և կողքից) համադրման արդյունքում մոտավորապես հաշվարկում է ՄԾԻ-ը՝ առանց լաբորատոր հետազոտությունների։