Մասնակից:Muradyan Papin/Ավազարկղ 1
| Մկրտիչ եպս. Պռոշյան | ||
| ||
| ||
|---|---|---|
| Կրթություն՝ | Սևանի Վազգենյան հոգևոր դպրանոց Գևորգյան հոգևոր ճեմարան Քարդիֆի համալսարան (Մեծ Բրիտանիա) Երեւանի քաղաքականության դպրոց | |
| Գործունեություն՝ | Արագածոտնի թեմի առաջնորդ | |
| Ազգություն | հայ | |
| Դավանանք | Հայաստանյայց Առաքելական Սուրբ Եկեղեցի | |
| Ծննդյան օր | օգոստոսի 13, 1975 (48 տարեկան) | |
| Ծննդավայր | Վաղարշապատ, Արմավիրի մարզ,  Հայաստան
| |
Տեր Մկրտիչ եպիսկոպոս Պռոշյան, եկեղեցական գործիչ, Հայ Առաքելական Եկեղեցու Արագածոտնի թեմի առաջնորդ:
Կենսագրություն[խմբագրել | խմբագրել կոդը]
Տեր Մկրտիչ եպիսկոպոս Պռոշյանը (ավազանի անունը՝ Հայկ) ծնվել է 1975 թ. օգոստոսի 13-ին Էջմիածին քաղաքում:
Կրթությունը և հոգևոր ծառայությունները[խմբագրել | խմբագրել կոդը]
1981-1992թթ. սովորել և ավարտել է Էջմիածնի Խաչատուր Աբովյանի անվան համար 4 միջնակարգ դպրոցում: 1985-1990 թթ. սովորել է Էջմիածնի Ե. Թադեւոսյանի անվան նկարչական դպրոցում: 1991-1993 թթ. եղել է ՀԵԵՄ Էջմիածնի մասնաճյուղի ատենապետը: 1993թ.-ին ընդունվել է Սեւանի Վազգենյան հոգեւոր դպրանոցում՝ 1998 թ.-ին ուսումը շարունակել է Գեւորգյան հոգեւոր ճեմարանի Զ լսարանում, որն ավարտել է 1999թ.-ին: Սարկավագ է ձեռնադրվել 1999թ. մայիսի 23-ին՝ Տ. Ոսկան արքեպիսկոպոս Գալփաքյանի ձեռամբ: 1999-2001թթ. աշխատել է Հայ Եկեղեցու ՔԴՔԿ-ում, իբրեւ կրոնի ուսուցիչների պատրաստման գրասենյակի պատասխանատու: 2000թ. Գեւորգյան հոգեւոր ճեմարանում պաշտպանել է ավարտաճառ` «Խոսրով Անձեւացու «Պատարագի մեկնության» աստվածաբանությունը» թեմայով, եւ արժանացել «լավ» գնահատականի: 2001թ. հունվարի 14-ին ձեռնադրվել է կուսակրոն քահանա` ձեռամբ Ամենայն Հայոց Կաթողիկոս Ն.Ս.Օ.Տ.Տ. Գարեգին Բ. Վեհափառ Հայրապետի: 2001- 2003թ. սովորել է Լիցցի (Leeds) Համալսարամում (UK)` ստանալով BA (with Honours) աստիճան: Միեւնույն ժամանակ եղել է Մանչեստրի հայկական համայնքի այցելու հովիվը: 2003-2004թթ. սովորել է Քարդիֆի (Cardiff) համալսարանում (UK)` ստանալով MTh (with distinction) աստիճան: Թեման ''Classical Redemption and Feminist Theology: Does Feminist Theology "de-soteriologises" Christian doctrine''. 2004թ. հոկտեմբերի 1-ից Ամենայն Հայոց Կաթողիկոս Ն.Ս.Օ.Տ.Տ. Գարեգին Բ. Վեհափառ Հայրապետի տնօրինությամբ նշանակվել է Սեւանի Վազգենյան հոգեւոր դպրանոցի տեսուչի պաշտոնակատար: 2005-2008թթ. եղել է Սեւանի Վազգենյան հոգեւոր դպրանոցի տեսուչ: 2004-2008թթ. Վարդապետական Աստվածաբանություն է դասավանդել Սեւանի Վազգենյան հոգեւոր դպրանոցում եւ Էջմիածնի Գեւորգյան հոգեւոր ճեմարանում: 2006թ. պաշտպանել է «Ֆեմինիստ փրկաբանության վերլուծության փորձ» վերնագրով վարդապետական թեզը եւ Տ. Եզնիկ եպս. Պետրոսյանի ձեռամբ արժանացել մասնավոր վարդապետական գավազանի:[1] 2007-2008թթ. սովորել եւ ավարտել է ԵՊՀ-ին կից Երեւանի քաղաքականության դպրոցը: 2008թ. մարտի 19-ից Ամենայն Հայոց Կաթողիկոսի բարձր կարգադրությամբ նշանակվել է ԱՄՆ-ի Արեւելյան Թեմի, Ֆիլադելֆիայի Ս. Սահակ եւ Ս. Մեսրոպ եկեղեցու առժամյա հոգեւոր հովիվ: 2009թ․ հունիսին նշանակվել է Գևորգյան Հոգևոր Ճեմարանի փոխտեսուչ։ 2009թ. սեպտեմբերի 1-ին Գարեգին Բ Ամենայն Հայոց Կաթողիկոսի բարձր տնօրինությամբ նշանակվել է Արագածոտնի թեմի առաջնորդական տեղապահ: 2010թ․ ապրիլի 18-ին, ձեռամբ Ն․Ս․Օ․Տ․Տ․ Գարեգին Բ Ամենայն Հայոց Կաթողիկոսի, ձեռնադրվել է եպիսկոպոս[2] և նշանակվել Արագածոտնի թեմի առաջնորդ։[3]
Աշխատություններ[խմբագրել | խմբագրել կոդը]
2001թ. գրաբարից թարգմանել եւ տպագրել է Խոսրով Անձեւացու «Պատարագի մեկնություն» աստվածաբանական գործը եւ Վարդան Այգեկցու «Խրատ բոլոր քահանաներին» քարոզխոսական երկը:
Սուրբ պատարագի մեկնություն: / Խոսրով Անձևացի; Թարգմ.` Գ. աբղ. Սարոյան, Մ. աբղ. Պռոշյան; Խմբ.` Գ. Անտոնյան; Հայ առաքելական սուրբ եկեղեցու Քրիստոնեական դաստիարակության և քարոզչության կենտրոն[4]
Քարոզներ[խմբագրել | խմբագրել կոդը]
Տ. Մկրտիչ եպիսկոպոս Պռոշյանի քարոզը՝ խոսված Երեւանի Սուրբ Գրիգոր Լուսավորիչ Եկեղեցում մատուցած Ս. Պատարագին (31 հոկտեմբեր, կիրակի, 2010թ.)[5]
Ծանոթագրություններ [խմբագրել | խմբագրել կոդը]
- ↑ «Մասնավոր վարդապետական աստիճանի տվչություն». https://arar.sci.am/. 2006. Վերցված է 21.12.2021-ին.
{{cite web}}: External link in|website= - ↑ «Եպիսկոպոսական ձեռնադրություն Մայր Աթոռ Ս. էջմիածնում». https://arar.sci.am/. 2010. Վերցված է 21.10.2021-ին.
{{cite web}}: External link in|website= - ↑ «Տ. Մկրտիչ եպիսկոպոս Պռոշյան». www.armenianchurch.org. 2010. Վերցված է 21.12.2021-ին.
- ↑ «Սուրբ պատարագի մեկնություն: / Խոսրով Անձևացի; Թարգմ.` Գ. աբղ. Սարոյան, Մ. աբղ. Պռոշյան; Խմբ.` Գ. Անտոնյան; Հայ առաքելական սուրբ եկեղեցու Քրիստոնեական դաստիարակության և քարոզչության կենտրոն». koha.etchmiadzinlibrary.am. 2001. Վերցված է 21.12.2021-ին.
- ↑ «Տ. Մկրտիչ եպիսկոպոս Պռոշյանի քարոզը՝ խոսված Երեւանի Սուրբ Գրիգոր Լուսավորիչ Եկեղեցում մատուցած Ս. Պատարագին (31 հոկտեմբեր, կիրակի, 2010թ.)». https://arar.sci.am/. 31.10.2010. Վերցված է 21.12.2021-ին.
{{cite web}}: External link in|website=