Մասնակից:Lianushghazaryan/Ստեֆանո Գաբանա
Ստեֆանո Գաբանա | |
---|---|
Ստեֆանո Գաբանա (իտալ.՝ Stefano Gabbana, ծնվել է 1963 թվականի նոյեմբերի 14-ին, Իտալիայի Միլան քաղաքում), իտալացի, հագուստի մոդելավորող, Դոմենիկո Դոլչեի հետ միասին նրանք ստեղծել են Dolce & Gabbana նորաձևության տունը։ Իտալիայի ամենահարուստ մարդկանցից են։
Կենսագրություն[խմբագրել | խմբագրել կոդը]
Ավարտել է Միլանի գեղարվեստական քոլեջը՝ «կրեատիվ տնօրեն» մասնագիտությամբ, որից հետո բացել է իր ազգանվամբ արվեստանոց։ Աշխատանքի անցնելով Դոմենիկո Դոլչեի մոտ՝ սովորել է նրա նորաձևության հիմքերը։ 1982 թվականին՝ Դոլչեի հետ միասին բացել է ստուդիա, բայց սկզբնական շրջանում նրանք հանդես էին գալիս իրենց անուններով: Ավելի ուշ մոդելավորողները՝ խնայողության նպատակով, միավորեցին իրենց ուժերը և սկսեցին հանդես գալ որպես Dolce & Gabbana: 1985 թվականին Միլանի նորաձևության շաբաթի շրջանակներում ներկայացրեցին իրենց ստեղծած կանացի հագուստը, իսկ արդեն հաջորդ տարի Միլանում բացեցին իրենց սեփական խանութը: 1987 թվականին ցուցադրեցին իրենց տրիկոտաժի առաջին հավաքածուն: 1990-ականներին ստեղծեցին տղամարդկանց նորաձև հագուստի հավաքածու:
2000-ականներին, իրենց համատեղ կյաքնից և կարիերայից 15 տարի անց, Դոմինիկո Դոլչեն և Ստեֆանո Գաբանան հրապարակայնորեն բացահայտեցին իրենց անձնակն կյանքի գաղտնիքը՝ նրանք արդեն երկար ժամանակ է սիրեցյալներ էին[1]: 2004 թվականին նրանք բաժանվել են և այդ օրվանից շարունակում են իրենց բացարձակ գործնական հարաբերությունները:
2013 թվականի մարտին Ստեֆանո Գաբանան «Ֆորբս» ամսագրի կողմից դասվել է աշխարհի 1000 ամենահարուստ մարդկանց շարքում (736-րդ հորիզոնական՝ 2 միլիարդ $ կարողությամբ) և 11-րդը՝ Իտալիայի շրջանում[2]:
Հարկեր վճարելուց խուսափելը[խմբագրել | խմբագրել կոդը]
2009 թվականի մայիսին Իտալիայի կառավարությունը մեղադրել է Dolce & Gabbana ընկերության սեփականատերերից, ասելով, որ 2004-2006 թվականներին նրանք վաճառել են իրենց ակտիվները Լյուքսեմբուրգում՝ 249 միլիոն եվրո արժողությամբ՝ Gado կազմակերպությանը՝ թաքցնելով իրենց եկամուտը: 2013 թվականի հունիսի 19-ին Ստեֆանո Գաբանան և նրա համագործագիցները մեղավոր են ճանաչվել, քանի որ թաքցրել է իրենց մոտ 1 միլիարդ եվրո (1,3 միլիարս $) եկամուտը: Դատավորը դատապարտել էր երկու մոդելավորողներին մեկ տարի և ութ ամիս ազատազրկման և 500 հազար եվրո տուգանք (համաձայն Իտալիայի օրենքներին՝ նրանք կարող են մինչև երեք տարի ազատազրկությունը փոխարինել տնային կալանքով կամ հասարակական աշխատանքով)[3]: Դիզայներները որոշեցին բողոքարկել որոշումը, բայց 2014 ապրիլի 30-ին բողոքարկմնան դատարանը որոշեց ուժի մեջ թողնել ցածրագույն ինստացիայի որոշումը[4]:
Ծանոթագրություններ[խմբագրել | խմբագրել կոդը]
- ↑ Richard Edwards. Dolce and Gabbana split in amicable fashion. Evening Standard (London), Feb 18, 2005
- ↑ Stefano Gabbana - Forbes
- ↑ Evasione, 1 anno e 8 mesi per Dolce e Gabbana.(իտալ.)
- ↑ Dolce, Gabbana Found Guilty of Tax Evasion. // The Business of Fashion, 30 апреля 2014.(անգլ.)