Մասնակից:KFDC Library/Ավազարկղ

ՀՀ ԿԲ Դիլիջանի «Գիտելիք հանուն զարգացման» կենտրոնի գրադարան
Երկիր	Հայաստան
Տեսակ	գրադարանային հաստատություն
Գործունեության ոլորտ	գրադարանային գործ
Հիմնվել է	2013 թվականի հունվարի 26
Տեղադրություն	Դիլիջան, Տավուշի մարզ
Հասցե	Մյասնիկյան 63

Դիլիջանի «Գիտելիք հանուն զարգացման» կենտրոնի գրադարան, երիտասարդների գիտելիքների, աշխարհընկալման ընդլայնման, մշակութային կյանքի մակարդակի բարձրացմանը նպաստող և կրթական ծրագրեր իրականացնող գրադարան Տավուշի մարզի Դիլիջան քաղաքում:

Գրադարանի պատմությունը[խմբագրել | խմբագրել կոդը]

Դիլիջանի «Գիտելիք հանուն զարգացման» կենտրոնը հիմնադրվել է 2013 թվականի հունվարի 26-ին:

Շենքը, որտեղ նախկինում գործել է Դիլիջանի Ղազարոս Աղայանի անվան քաղաքային գրադարանը, 1988 թվականի երկրաշարժից հետո հայտնվել էր վթարային վիճակում: Տարիներ անց շինությունը վերանորոգվել է և այժմ գործում է որպես ՀՀ ԿԲ «Գիտելիք հանուն զարգացման» կենտրոն, որի երկրորդ հարկում տեղակայված է գրադարանը: Վերջինս իր գործունեությունը ծավալել է կենտրոնի հիմնադրման օրից:

Գրադարանն ունի երեք սրահ, որոնցից մեկը ծառայում է որպես ընթերցասրահ, մյուսը՝ դիտման սրահ, երրորդն ապահովում է էլեկտրոնային տեղեկատվության հասանելիություն:

Այժմ գրանցված է 1872 ընթերցող: Մեկ տարվա ընթացքում գրադարան է այցելում միջինը 2500 այցելու:

Գրադարանը համագործակցում է մարզի դպրոցների, կրթամշակութային և համայնքային կենտրոնների հետ: Կազմակերպվում են միջոցառումներ, հայկական տոներին նվիրված հանդիսություններ, անց են կացվում բաց դասեր ֆիլմերի և պրեզենտացիաների դիտման զուգահեռ, կազմակերպվում են քննարկումներ: Հրավիրվում են ՀՀ կենտրոնական բանկի աշխատակիցներ, հայտնի բանախոսներ, տարբեր ոլորտների մասնագետներ, ովքեր դասընթացների, թեմատիկ «կլոր սեղան» քննարկումների միջոցով մասնագիտական գիտելիքներ են փոխանցում մարզի բնակիչներին: Մարզի նախադպրոցական և կրտսեր դասարանների երեխաների համար մշակվել է եռալեզու ընթերցանության նախագիծ, որի նպատակն է ստեղծել սերտ կապ երեխաների և գրքի միջև, ինչպես նաև երեխաների մոտ վաղ տարիքից ձևավորել ընթերցանության մշակույթ:

Գրքերի ֆոնդը[խմբագրել | խմբագրել կոդը]

Գրադարանային ֆոնդը կազմում է ավելի քան 10 000 գիրք, ամսագրեր, CD սկավառակներ:

Հասցե[խմբագրել | խմբագրել կոդը]

Դիլիջանի «Գիտելիք հանուն զարգացման» կենտրոնը տեղակայված է քաղաքի կենտրոնում՝ Մյասնիկյան 63 հասցեում:

Պատկերասրահ[խմբագրել | խմբագրել կոդը]

Գրադարանի հիմնական ընթերցասրահը
Ընթերցասրահ