Մասնակից:Ռիտա Սիմոնյան
Արմինեի գրադարան
[խմբագրել | խմբագրել կոդը] | |
| Երկիր |  Հայաստան, Գյումրի |
|---|---|
| Տեսակ | գրադարան |
| Գործունեության ոլորտ | գրադարանային գործ |
| Հիմնվել է | 2023 թ․ |
| Հասցե | Գայի 1, ԳՏԿ, 2-րդ հարկ |
| Այլ տվյալներ | |
| Կայք | arminehslibrary.am |
Արմինեի գրադարանը գործում է Գյումրու Տեխնոլոգիական կենտրոնի (ԳՏԿ) երկրորդ հարկում՝ Գայի 1 հասցեում։
Արմինեի գրադարանի առաքելությունը
[խմբագրել | խմբագրել կոդը]Արմինեի գրադարանի առաքելությունն է զարգացնել ընթերցանության և շարունակական կրթության մշակույթը, նպաստել Հայաստանում գրքասեր համայնքի ձևավորմանը՝ կիսվելով այն գրականությամբ, որը կարդում էր Արմինեն։
Արմինեի մասին
[խմբագրել | խմբագրել կոդը]Արմինե Գրիգորյանը ծնվել է 1989թ․ Գյումրիում։ Նա ուներ բանասիրական և ծրագրավորման կրթություն։ 2015 թվականից մասնագիտացել է կառավարման համակարգերի ավտոմատացման մեջ՝ դառնալով իր ոլորտում լավագույն մասնագետներից մեկը։ Ցավոք, 2023թ․ Արմինեն անժամանակ հեռացավ կյանքից։
Արմինեն առանձնանում էր հայրենասիրությամբ, կրթելու և կրթվելու անընդհատ մղումով։ Արմինեի հեռանալուց հետո ընկերները որոշեցին ի կատար ածել նրա երազանքը՝ ունենալ սեփական գրադարան։
Գրադարանային գործունեություն
[խմբագրել | խմբագրել կոդը]Արմինեի գրադարանը բացվել է 2023 թ․ սեպտեմբերի 23-ին Գյումրու տեխնոլոգիական կենտրոնի 2-րդ հարկում։ Գրադարանը բաղկացած է 4 ժանրից՝ պատմական, կենսագրական, բիզնես և մոտիվացիոն։ Գրքերը երկլեզու են՝ հայերեն և ռուսերեն։
Արմինեի գրադարանը ունի նաև գրքասերների համայնք, որոնց շրջանակներում պարբերաբար անցկացվում են գրքի քննարկումներ, սեմինար-թրեյնինգներ և այլ միջոցառումներ։
Գրադարանից օգտվելու կանոնները
[խմբագրել | խմբագրել կոդը]- Գրադարանից անվճար կարող են օգտվել բոլոր գրքասերներն ու ընթերցասերները։
- Գրադարանից գիրք վերցնելու համար անհրաժեշտ է գրանցվել https://arminehslibrary.am/ կայքում: Յուրաքանչյուր գրանցված ընթերցող կարող է վերցնել մեկ գիրք, որը վերադարձնելուց հետո շարունակել օգտվել գրադարանից։
- Գրքերը տրվում են 14 օր ժամկետով, անհրաժեշտության դեպքում ժամկետը երկարացվում է միայն 1 անգամ։
- Ընթերցողը պարտավոր է խնամքով վերաբերվել գրքերին:
- Արգելվում է գրքի մեջ նշում կատարել, էջ պոկել կամ ծալել:
- Գիրքը կորցնելու կամ վնասելու դեպքում ընթերցողը պարտավոր է տասնօրյա ժամկետում գրադարանին վերադարձնել նույն գրքից: