Մասնակից:Պավել Սահակյան/ավազարկղ75
Ջովաննի Բալոնե (իտալ.՝ Giovanni Baglione, ), Հռոմի բարոկկոյի ուշ մաներիզմի շրջանի երկրորդ կարգի նկարիչ: Նրա նկարներն այլաբանական էին՝ դիցաբանական և կրոնական թեմաներով: Երբեմն հանդիպում են նաև դիմանկարներ: Հետաքրքրվում էր նաև պատմությամբ և արվեստների տեսությամբ:
Կենսագրություն[խմբագրել | խմբագրել կոդը]
Ծննդյան տարեթվի և ամսաթվի մասին ճշգրիտ տեղեկություններ չեն պահպանվել: Նոր տվյալներով՝ ծնվել է 1566 թվականին Հռոմում: Աշակերտել է Ֆրանչեսկո Մորելիին: Աշխատել է հիմնականում Հռոմում, որտեղ Կլիմենտ 8-րդ և Պավել 5-րդ պապերի կառավարման տարիներին պատվերներ է ստացել եկեղեցու կողմից:
Բալոնեն և նատյուրմորտների վարպետ Տոմազո Սալինին ընկերներ էին: Երկուսն էլ Կարավաջոի դեմ թշնամաբար տրամադրված արվեստագետների ճամբարից էին: Բայց դա նրանց չի խանգարել ուսումնասիրել Կարավաջոյի արվեստը և ընդօրինակելով՝ կիրառել սեփական գործերում:
Ստեղծագործություն[խմբագրել | խմբագրել կոդը]
Նկարում էր ֆրեսկոներ, որոնք կարելի է տեսնել Սանտա Մարիա Մաջորեի եկեղեցում: Բալոնեի կրոնական նկարները ուշ մաներիզմի, ակնհայտ էրոտիկայի և գրեթե հիվանդ սրբերի զմայլանքների տարօրինակ խառնուրդ են: Բալոնեն գեղարվեստական վարվելակերպի շատ սխալներ է թույլ տվել Սուրբ Սեբաստյանի գնդակահարության և նահատակության նկարում: Սեբաստյանը նկարում կարծես մազոխիստ լինի, որը հաճույք է ստանում, երբ երկու ժպտացող հրեշտակներ նրա մարմնից հանում են նետերը:
Կարավաջոյի նկատմամբ թշնամական վերաբերմունքն արտահայտվել է Բալոնեի «Աստծո և պրոֆանների սերը» նկարում, որտեղ Բալոնեն անհաջող մեջբերել է Կարավաջոյի «Ամուրը քնեց» նկարը[1]: Կարավաջոյին ավելի զայրացնելու համար նկարում սատանային պատկերել է Կարավաջոյի դեմքով: Ջովանի Բալոնեի գրառումներում հայտնաբերվել են Կարավաջոյին սոդոմականության մեջ մեղադրող նյութեր:
Գրքեր[խմբագրել | խմբագրել կոդը]
- «Հռոմի ինը եկեղեցիները», 1639 թվական
- «Նկարիչների, քանդակագործների, ճարտարապետների և փորագրողների կենսագրություններ», 1642 թվական[2]
Պատկերասրահ[խմբագրել | խմբագրել կոդը]
-
«Հերկուլեսը ընտրում է բարու և չարի միջև» կամ «Հերկուլեսը՝ ճանապարհների հատման առաջ»
-
«Երկնային սերը և երկրային սերը»
-
«Սուրբ Սեբաստյանի նահատակությունը»
Տես նաև[խմբագրել | խմբագրել կոդը]
Ծանոթագրություններ[խմբագրել | խմբագրել կոդը]
Գրականություն[խմբագրել | խմբագրել կոդը]
- Микеланджело да Караваджо. Документы. Вопоминания современников. М, «Искусство», 1975.
Արտաքին հղումներ[խմբագրել | խմբագրել կոդը]
- Orazio and Artemisia Gentileschi գրադարանի Մետրոպոլիտեն-թանգարանում կայացած ցուցահանդեսի թվայնացված գրացուցակ, որը նյութեր է պարունակում Բալոնեի մասին (տես ցուցիչը)