Մասնակից:Նանե Հակոբյան/Ավազարկղ
Ջոն Քերսի[խմբագրել | խմբագրել կոդը]
Ջոն Քերսի` (անգլ.՝ John Kersey, 1616-1677) անգլիացի մաթեմատիկոս։ Արտասահմանում նրան երբեմն անվանում են ավագ Ջոն Քերսի(John Kersey the elder), որպեսզի նրան տարբերեն իր որդուց՝ Ջոնից՝ հայտնի բանասերից։ Հին փաստաթղթերում նրա ազգանվան գրությունը հանդիպում է որպես Carsaye: Նրա «Հանրահաշիվ» երկհատոր տրակտատը կարևոր փուլ դարձավ այս գիտության զարգացման գործում։
Կենսագրությունը և գիտական գործունեությունը[խմբագրել | խմբագրել կոդը]
Քերսիի կենսագրությունից շատ քիչ տեղեկություններ են հայտնի։ Ծնվել է 1616 թվականին։ Նա ապրել է Լոնդոնում, որտեղ աշխատել է որպես ուսուցիչ և վաստակել հիանալի ուսուցչի համբավ։ Քերսիի ծանոթը՝ հայտնի մաթեմատիկոս Ջոն Քոլինզը, համոզեց Քերսիին հրատարակել հանրահաշվի վերաբերյալ իր աշխատանքը։ Ահա թե ինչպես լույս տեսավ Քերսիի հիմնական գիտական աշխատանքը` «Մաթեմատիկական արվեստի տարրերը, որոնք սովորաբար կոչվում են հանրահաշիվ» (The Elements of Mathematical Art, commonly called Algebra, 1673—1674) երկհատոր մենագրությունը: Գիրքը բարձր գնահատականի արժանացավ Վալլիսի կողմից, մի քանի անգամ վերահրատարակվեց և ազդեցություն գործեց հանրահաշվի զարգացման վրա: Նրա վերջին հրատարակությունը ներառում էր Էդմունդ Հալլեյի «Երկրաչափական դասախոսությունները» որպես հավելված:
Քերսին մասնակցել է իր ընկերոջ՝ Էդմունդ Վինգեյթի «Թվաբանություն» տրակտատի հրատարակության պատրաստմանը և խմբագրմանը (1650-ից սկսած և ավել, եղել են մի քանի վերահրատարակություններ): Նա ներդրում է ունեցել մաթեմատիկական սիմվոլիզմի զարգացման գործում և առաջիններից էր Անգլիայում, ով իր գրքում աջակցել է Դեկարտի նշանագրման համակարգին, առաջարկել զուգահեռության ընդհանուր ընդունված խորհրդանիշը[4]:
Գրականություն[խմբագրել | խմբագրել կոդը]
- Cajori F. A History of Mathematical Notations. Vol. 1 (1929 reprint). — NY: Cosimo, Inc., 2007. — xvi + 456 p. — ISBN 978-1-60206-684-7
- Cajori F. A History of Mathematical Notations. Vol. 2 (1929 reprint). — NY: Cosimo, Inc., 2007. — xii + 392 p. — ISBN 978-1-60206-713-4