Մասնակից:Հասմիկ Փայտյան/Ավազարկղ
ՕՐԴՖԻԼՄ | |
|---|---|
| Ընկերության տեսակ | ֆիլմարտադրող ընկերություն |
| Վայր | Երևան |
| Երկիր |  Հայաստան |
| Տնօրեն | Հայկ Օրդյան |
| Ծառայություններ | ֆիլմարտադրություն |
| Սեփականատեր | Հայկ Օրդյան |
| Կայք | ordfilm.com |
«ՕՐԴՖԻԼՄ», Հայաստանի ֆիլմարտադրող ընկերություններից, հիմնադրվել է 2009 թվականին` Երևանում[1]: Ընկերության հիմնադիրն է ռեժիսոր և պրոդյուսեր Հայկ Օրդյանը, որը ներկայում «ՕՐԴՖԻԼՄ»-ի գլխավոր տնօրենն է[2]:
Ընկերության նպատակը և գործունեության հիմնական ուղղությունները[խմբագրել | խմբագրել կոդը]
«ՕՐԴՖԻԼՄ» ընկերության առաջնային նպատակն է նպաստել կինոարտադրության զարգացմանը Հայաստանում, համատեղ նախագծեր իրականացնել թե՛ հայկական, թե՛ օտարերկրյա կինո և հեռուստաընկերությունների հետ։ Ընկերությունը գործունեություն է ծավալում վավերագրական, անիմացիոն, խաղարկային կինոարտադրության, ինչպես նաև գովազդային, կոմերցիոն և կորպորատիվ տեսաարտադրության ոլորտներում։
Նախագծեր[խմբագրել | խմբագրել կոդը]
Կինոնախագծեր[խմբագրել | խմբագրել կոդը]
- Ցեղասպանություն. Սկիզբ («Պրոֆիլմ» ընկերության հետ համատեղ)
- Լույս առանց աչքերի (Հայաստանի ազգային կինոկենտրոնի հետ համատեղ)
- Հոգեվարք
- Էդուարդ Ղազարյան. Հրաշագործը
- Լրատվության հայ-թուրքական սահմանը («Եվրասիա-համագործակցություն» հիմնադրամի հետ համատեղ)
- Կինոպոետը. Արտավազդ Փելեշյան (Հայաստանի ազգային կինոկենտրոնի հետ համատեղ)
- Ֆրունզիկ Մկրտչյան. Կյանքը ժապավենի վրա
- Սոս Սարգսյան. Ինքն իր հետ
- Իմ տունն այստեղ է (Երևանի պետական համալսարանի հետ համատեղ)
Հեռուստանախագծեր[խմբագրել | խմբագրել կոդը]
- Հայաստանի ազգային հերոսներ (Հայաստանի հանրային հեռուստաընկերության հետ համատեղ)
- Տես («Շողակաթ» հեռուստաընկերություն)
- Որսարան («Կենտրոն» հեռուստաընկերություն)
«ՕՐԴՖԻԼՄ» ըկներությունը կազմակերպում է նաև «Հեռուստատեսային հմտություններ» դասընթաց, որի մասնակիցները հնարավորություն են ստանում երեք ամսում ծանոթանալու 5 մասնագիտությունների հիմունքներին` հեռուստառեժիսուրա, հեռուստալրագրություն, հեռուստաօպերատորություն, հեռուստամոնտաժ և հեռուստամենեջմենթ։ Ձեռք բերելով թե տեսական, թե գործնական գիտելիքներ` դասընթացն ավարտողներից լավագույններն աշխատանքի են անցնում ինչպես «ՕՐԴՖԻԼՄ»-ում, այնպես էլ Հայաստանի տարբեր առաջատար հեռուստաընկերություններում։
«ՕՐԴՖԻԼՄ»-ը համագործակցել է ռուսական տարբեր հեռուստա և պրոդյուսերական ընկերությունների՝ НТВ, Рен ТВ, Звезда, Профильм, Простыевещи, արաբական Al Jazeera հեռուստաալիքի, ԱՄՆ միջազգային զարգացման գործակալության (USAID), Save the Children, Beeline Armenia, այլ միջազգային կազմակերպությունների, տարբեր գերատեսչությունների հետ։
Պարգևներ[խմբագրել | խմբագրել կոդը]
- «Հոգեվարք» ֆիլմն ընդգրկվել է «GoldenEye» միջազգային փառատոնի լավագույն եռյակում,
- «Էդուարդ Ղազարյան. Հրաշագործը» ֆիլմն արժանացել է առաջին տեղի մրցանակի «Կունակի» փառատոնում և «Հատուկ մրցանակի» «ՏԵՖԻ» համագործակցության փառատոնում։
Ծանոթագրություններ[խմբագրել | խմբագրել կոդը]
- ↑ ««Օրդֆիլմ» ընկերությունը հանրությանը ներկայացրեց երկու նոր ֆիլմ». armenpress.am. Վերցված է 2016-05-07-ին.
- ↑ Mediamax. «"Լույս` առանց աչքերի" եւ "Հոգեվարք" ֆիլմերի պրեմիերան` "Օրդֆիլմ"-ի 5-ամյակին». bravo.am. Վերցված է 2016-05-07-ին.