Մասնակից:Իննա Պետրոսյան/Ավազարկղ Գրիմանի
Մարիա Մարգերիտա Գրիմանի (իտալ.՝ Maria Margherita Grimani, գործուներության տարիները՝ 1713-1718), իտալացի կոմպոզիտոր։
Կենսագրություն և գործունեություն[խմբագրել | խմբագրել կոդը]
Մարիա Մարգերիտա Գրիմանիի մասին կենսագրական տեղեկություններ չեն պահպանվել։ Կա վենետիկյան նշանավոր Գրիմանի տոհմը, սակայն առկա չէ Գրիմանիի՝ այդ տոհմին պատկանելության ապացույց[1]։ Հայտնի չէ նաև այն, թե արդյոք դա նրա օրիորդական ազգանունն է, թե ամուսնու ազգանունը։ Հնարավոր է, որ 1713-1718 ընկած ժամանակահատվածում նա ապրել է Վիեննայում, որտեղ նրա ստեղծագործությունները, հնարավոր է, ցուցադրվել են Վիեննական պալատական թատրոնում[2]։ Չի բացառվում նաև այն, որ նա եղել այն ժամանակ արքունիքում ապրող կանոսիսներից[3]։
Մեզ հասած ստեղծագործությունների արդյունքում, Գրիմանին հայտնի միայն, որպես կոմպոզիտոր։ Նրա ստեղծագործություններից են՝ «Պալլադա և Մարս»՝ (իտալ.՝ Pallade e Marte)՝ երկու երգչի համար նախատեսված «դրամատիկ երգ», որը կատարվել է 1713 թվականի նոյեմբերի 4-ին՝ Կառլ VI կայսեր անվանակոչության օրը[1]։ Դա վիեննական արքունիքում կատարված առաջին օպերային բնույթի ստեղծագործությունն էր[2]։ Այն գրվել է սոպրանոյի և ալտի համար՝ թավջութակի, հոբոյի, թեորբայի, լարային գործիքների և բաս կոնտինուոյի ուղեկցությամբ։ Վոկալային պարտիան սոլիստների կողմից արիաների կատարման և ավարտական զուգերգի հաջորդականություն է։ Երաժշտական արիաները բնորոշ են այդ ժամանակաշրջանի իտալական և վիեննական երաժշտությանը և շատ ընդհանրություններ ունեն այլ կին կոմպոզիտորների ստեղծագործությունների հետ[1]։
Բացի այդ, պալատում կատարվել են նաև Գրիմանիի երկու օրատորիաները՝ «Մարիայի և Ելիզավետայի հանդիպումը»՝ (իտալ.՝ La visitazione di Elisabetta) 1713 թվականին (կրկնակի կատարումը՝ 1718) և «Հովհաննես Մկրտչի գլխատումը» (իտալ.՝ La decollazione di S Giovanni Battista) 1715 թվականին։ Լիբրետոյի հեղիանակն անհայտ է[2]։
1718 թվականից հետո Գրիմանիի անունը չի հիշատակվել[1]։
Ծանոթագրություններ[խմբագրել | խմբագրել կոդը]
Գրականություն[խմբագրել | խմբագրել կոդը]
- Barbara Carvey Jackson Maria Margherita Grimani // New Historical Anthology of Music by Women / James R. Briscoe. — Indiana University Press, 2004. — Vol. 1. — P. 99—100.
- Mary F. McVicker Maria Grimani // Women composers of classical music: 369 biographies from 1550 into the 20th century. — McFarland & Company, 2011. — P. 24. — ISBN 978-0-7864-4397-0
- Karin Pendle Women & Music: A History. — Indiana University Press, 2001. — P. 126—128.
Արտաքին հղումներ[խմբագրել | խմբագրել կոդը]
- Rudolf Klein. «Grimani, Maria Margherita». Grove Music Online.