Մաշուկ (ռուս.՝ Машук), մեկուսացած լեռ Հյուսիսային Կովկասում, Կովկասյան հանքային ջրերի շրջանում (ՌԴ Ստավրոպոլի երկրամաս)։ Բարձրությունը 993 մ է։ Այն նստվածքային ապարներով ծածկված լակոլիթ է։ Կան հանքային աղբյուրներ։ Գագաթը հարթեցված գմբեթաձև է։ Հարավային լանջին է գտնվում 20 մ խորությամբ «Պրովալ» կարստային իջվածքը։ Լանջերը անտառապատ են։ Այստեղ է բալնեոլոգիական առողջարան Պյատիգորսկ քաղաքը։ Մաշուկի ստորոտին Միխայիլ Լերմոնտովի մենամարտի տեղն է։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 7, էջ 262)։
_-_3.jpg)
Ռուսաստան
Մաշուկից դեպի Պյատիգորսկ բացվող տեսարան
Միխայիլ Լերմոնտովի թանգարանը և Մաշուկ լեռը
