Մալդիվյան խոհանոց

Թյունոս ձուկը՝ մալդիվյան խոհանոցի շատ ուտեստների կարևոր բաղադրիչ

Մալդիվյան կղզիների ազգային խոհանոցը հնդկական և արաբական խոհանոցների փոխառություն է։ Այն դժվար է պատկերացնել առանց երեք հիմնական բաղադրամասերի՝ կոկոսային ընկույզի, ձկնեղենի և բրնձի։

Հիմնական բաղադրամասեր

Մալդիվյան խոհանոցում հասուն կոկոսը օգտագործվում է կոկոսի յուղ և կաթ ստանալու նպատակով։

Կոկոսի կաթը մշակվում է կոկոսյան ընկույզով, իսկ ստացվածը օգտագործվում է սոուսների, աղցանների, ապուրների և այլ ուտեստների մեջ։ Մալդիվյան խոհանոցում կոկոսի յուղը օգտագործվում է վաֆլի-տորթերի պատրաստման մեջ և փոխարինում է մարգարինին։

Ձկնապուրների պատրաստման մեջ մալդիվյան խոհանոցում հաճախ են օգտագործում թյուննոս ձկանը՝ թարմ և չորացած կերպով։ Այս ձկանից պատրաստում են մալդիվյան ամենասիրված և հայտնի ուտեստը՝ թյուննոսը բրնձով,որը համեմված է տարբեր տեսակի սոուսներով և պղպեղով։ Մալդիվյան ազգային խոհանոցի թեթև խորտիկներից են ձկան կտորները՝ չիլի պղպեղով, ձկով և համեմունքներով կարկանդակներ, ինչպես նաև տապակած ձուկ։

Նախաճաշի ամենասիրված ուտեստը մասնուխին է՝ թյուննոսով, սոխով, կոկոսի յուղով և լայմով։

Մալդիվյան կղզիների ազգային խոհանոցի կարևոր բաղադրիչն է նաև բրինձը։ Այն ծառայում է, որպես որակական հիմք։ Այն օգտագործվում է ինչպես խաշած, այնպես էլ հում վիճակում։ Հում վիճակում օգտագործվում է ձկնային կոկտեյլ մատուցելիս՝ տեղական հացի, սոխի և չիլի պղպեղի հետ։

Բացի այդ, բրինձը օգտագործվում է նաև մալդիվյան հայտնի ուտեստներից մեկի՝ գարուդայի պատրաստման մեջ։ Այն իրենից ներկայացնում է ապուր՝ չոր ապխտակ ձկով։

Տես նաև

• Մալդիվյան կղզիներ

Արտաքին հղումներ

Մալդիվյան խոհանոց էջը Վիքիպահեստում

• Սնունդը կղզիներում՝ Մալդիվյան կղզիների խոհանոց և մշակույթ
• Ղումաշի. Մալդիվյան կղզիների խոհանոց