Մալագայի ալկասաբա

Մալագայի ալկասաբա; Alcazaba de Málaga
Տեսակ	Մալագայի ալկասաբա
Տեղագրություն	36°43′16″ հս․ լ. 04°24′57″ ամ. ե. / 36.72111° հս․. լ. 4.41583° ավ. ե.
Վարչական միավոր	Մալագա
Երկիր	Իսպանիա
Կառուցված	1057
Ճարտարապետական ոճ	Islamic art of the Emirate and the Caliphate?
	Կոորդինատներ: 36°43′15.571200100009″ հս․ լ. 4°24′56.5596001″ ամ. ե. / 36.72099200002777764° հս․. լ. 4.415711000028° ավ. ե.
	Alcazaba of Málaga Վիքիպահեստում

Մալագայի ալկասաբա (իսպ.՝ Alcazaba de Málaga), արաբական ամրոց Իսպանիայի Անդալուզիա տարածաշրջանի հարավում գտնվող Մալագա քաղաքում^[2]։ 1931 թվականի հունիսի 3-ի հրամանով Իսպանիայի մշակույթի նախարարության կողմից Մալագայի ալկասաբան ընդգրկվել է Իսպանիայի պատմական արժեք ունեցող հուշարձանների ցանկի մեջ՝ RI-51-0000729 գրանցման համարի տակ:

Պատմություն[խմբագրել | խմբագրել կոդը]

Ամրոցը հիմնադրվել է 7-րդ դարում, սակայն հիմնական շինարարական աշխատանքները կատարվել են 11-րդ դարում Գրանադայում իշխող Զիրդյան տոհմի կողմից նահանգապեի այցելության համար: Այն շատ լավ պահպանված ալկասաբա տեսակի ամրոցներից մեկն է: Մուտքի դարպասների մոտ պահպանվել է 2-րդ դարի Հին Հռոմեական թատրոնի ավերակները, որը ներկայումս արդեն վերակառուցվել է: Ամրոցի շինարարության համար օգտագործվել է այդ թատրոնի շինանյութերից:

Ամրոցը կառուցվել է նավահանգստի մոտ՝ քաղաքի կենտրոնում, բլրի վրա և բաղկացած է երկու պարսպաշարից: Նախկինում պարսպաշաը միացած է եղել քաղաքի պարսպաշարին, այդ կերպ ստեղծելով երրորդ պարսպաշարը: Առաջին շերտը ունեցել է պաշտպանողական աշտարակներ, կառուցվել է բլրի ռելիեֆին համապատասխան, այդ կերպ պաշտպանելով ամբողջական ներքին տարածքը: Մուտքը կոչվում է Պուերտա դե լա Բովեդա (իսպ.՝ Puerta de la Bóveda) (Կամարակապ Դարպաս), սակայն ներկայումս ամրոց կարելի է մուտք գործել նաև վերելակով: Մուտքի դարպասները այնպես է եղել ստեղծված, որ խոչընդոտ էր ամրոց մտնող զորքի առաջընթացը: Ճանապարհը անցնում է գեղեցիկ այգիների ներսում, որտեղ շատ են քանդակազարդ շատրվանները: Այնուհետև ճանապարհը անցնում է Պուերտա դե լաս Կոլումնասով (իսպ.՝ Puerta de las Columnas) (Սյունների Դարպաս), որոնց շինարարության համար նույնպես օգտագործվել էր հռոմեական շինությունների շինանյութը: Այնուհետև ճանապարհը կտրուկ շեղվում է դեպի Տոռե դել Կրիստո (իսպ.՝ Torre del Cristo) (Քրիստոսի Աշտարակ), որը նույնպես նախատեսված էր դանդաղեցնելու գրոհող զորքի առաջընթացը:

Ներքին պարսպաշարը կարելի էր հաղթահարել միայն Պուերտա դե լոս Կուարտոս դե Գրանադա (իսպ.՝ Puerta de los Cuartos de Granada) (Գրանադայի բնակարանների Դարպաս), որը կատարում էր պալատի արևմտյան կողմի պաշտպանողական ֆունկցիան: Արևելյան կողմում գտնվում է Տոռե դել Հոմենաջեն (իսպ.՝ Torre del Homenaje) (Երկրպագության Աշտարակ), որը ներկայումս կիսավեր է: Երկրորդ պարսպաշարի ներսում գտնվում է պալատը և այլ օժանդակ շինություններ, որոնք կառուցվել են 11-14 դարերի ընթացքում^[3]: