Ձերժինսկայա լեռան բացարձակ բարձրությունը կազմում է 345 մետր[2] և իրենից ներկայացնում է բլուր։ Այն գտնվում է Մինսկի բարձրությունում (Բելառուսական թմբաշարի մի մասն է)։ Մայրաքաղաք Մինսկից գտնվում է երեսուն կիլոմետր հեռավորության վրա՝ Ձերժինսկ քաղաքի մոտ՝ Սկիրմունտովո գյուղում։ Նախկինում լեռն անվանել են Սուրբ լեռ, իսկ 1958 թվականին այն անվանակոչեցին Ձերժինսկայա։ 1990-ական թվականների վերջերին լեռան գագաթին տեղադրեցին գրանիտե սալ, որի վրա բելառուսերեն գրված է հետևյալը. «Ձերժինսկայա լեռ։ Բելառուսի ամենաբարձր կետը։ Բարձրությունը ծովի մակարդակից՝ 345 մետր»։ Ներկայիս դրությամբ տարածքը բարեկարգված է և համարվում է հուշարձան։
Համեմատության համար պետք է նշել, որ Բելառուսում 2011 թվականի օգոստոսի դրությամբ Ձերժինսկայա բլուրից առավել բարձր են հեռուստաաշտարակները՝ Կոլոդիշչի, Ուշաչի, Սլոնիմե[1]. սրանց բարձրությունը կազմում է 350 մետր։
Բելառուս
