Հրաչյա Ծպնեցյան

Հրաչյա Ծպնեցյան
Ծնվել է	նոյեմբերի 21, 1961(1961-11-21) (62 տարեկան)
Ծննդավայր	Երևան, Հայկական ԽՍՀ, ԽՍՀՄ
Քաղաքացիություն	Հայկական ԽՍՀ և  Հայաստան
Կրթություն	Հայաստանի ազգային ագրարային համալսարան
Մասնագիտություն	տնտեսագետ

Հրաչյա Սերգեյի Ծպնեցյան (նոյեմբերի 21, 1961(1961-11-21), Երևան, Հայկական ԽՍՀ, ԽՍՀՄ), հայ տնտեսագետ-մեքենագետ, տնտեսագիտության դոկտոր (2006)։

Կենսագրություն

Հրաչյա Ծպնեցյանը ծնվել է 1961 թվականի նոյեմբերի 21-ին Երևանում։ 1983 թվականին ավարտել է Հայկական գյուղատնտեսական ինստիտուտը։ 1987-1990 թվականներին աշխատել է Գյուղատնտեսության էկոնոմիկայի և կազմակերպման գիտահետազոտական ինստիտուտում, 1990-1992 թվականներին եղել է Հայաստանի գյուղատնտեսության նախարարության Գիտական ապահովման հանրապետական կենտրոնի ԳՆ փորձակոնստրուկտորային աշխատանքների կոորդինացիայի, պլանավորման և ֆինանսավորման բաժնի վարիչ, 1992-1995 թվականներին՝ ՀՀ Էկոնոմիկայի նախարարության ագրարային քաղաքականության, 1995-1997 թթվականներին՝ ՀՀ Արդյունաբերության և առևտրի նախարարության տարածքային քաղաքականության, 1998 թվականից՝ ՀՀ գյուղատնտեսության նախարարության ծրագրերի մշակման և կոորդինացման, ագրարային քաղաքականության և պարենային ապահովության վարչությունների պետ։

Աշխատանքները վերաբերում են ագրարային ոլորտում ձևավորված հարաբերությունների առանձնահատկությունների, տնտեսության անցումային պայմաններում ենթակառուցվածքների կազմավորման գործունեության ու զարգացման հիմնական ուղղությունների վերլուծությունը։

Գրականություն

• ՀՀ ագրարային ոլորտի արտադրական ենթակառուցվածքների ձևավորման հիմնախնդիրներն անցումային տնտեսության պայմաններում, Ե., 2005:
• Ագրարային ոլորտում շուկայական ենթակառուցվածքների զարգացման հիմնական ուղղությունները, Ե., 2005:

Այս հոդվածի կամ նրա բաժնի որոշակի հատված վերցված է «Գյուղատնտեսական հանրագիտարանից», որի նյութերը թողարկված են՝ Քրիեյթիվ Քոմմոնս Նշում-Համանման տարածում 3.0 (Creative Commons BY-SA 3.0) թույլատրագրի ներքո։