Հրաշք (գիրք)

Հրաշք; Wonder book 2
Հեղինակ	Ռաքել Պալասիո
Տեսակ	գրավոր աշխատություն
Ժանր	դրամա և գեղարվեստական գրականություն
Թեմա	մտածողություն
Բնօրինակ լեզու	անգլերեն
Նկարագրում է	Վաշինգտոն Հայթս
Երկիր	ԱՄՆ
Հրատարակիչ	Alfred A. Knopf
Հրատարակման տարեթիվ	փետրվարի 14, 2012
ԳՄՍՀ	0-375-86902-6

«Հրաշք» (անգլ.՝ Wonder), Ռաքել Պալասիոյի վեպը հրատարակվել է 2012 թվականի փետրվարի 14-ին։ Պալասիոն ստեղծել է ժամանակակից մի երկ, որը և′ տրամադրություն է բարձրացնում, և′ ծիծաղեցնում է, և′ հուզում. սրտառուչ պատմություն, որ կարդացվում է մեկ շնչով և երկար ժամանակ մնում հիշողության մեջ։ «Հրաշք»-ը նրա առաջին վեպն է։ Ավելի քան քսան տարի նա աշխատել է Նյու Յորքում որպես խմբագրության ղեկավար, գեղարվեստական խմբագիր և նկարիչ-ձևավորող։ Պալասիոն վեպը գրել է մի միջադեպից հետո, որտեղ իր որդին տեսնելով դիմածնոտային խնդիրներով մի աղջկա՝ սարսափում է, որի պատճառով աղջիկն ու իր ընտանիքի անդամները կարող էին վատ վիճակի մեջ ընկնել, նա շտկել է իրավիճակը՝ տղային հեռացնելով դեպքի վայրից։ Վեպը գրելիս նա ոգեշնչվել է Նատալի Մերչանթի «Հրաշք» երգից^[1]։

Մեջբերումներ Ռ.Ջ. Պալասիոյի «Հրաշքը» գրքից.[խմբագրել | խմբագրել կոդը]

Եթե կա ընտրություն` լինել ճիշտ կամ լինել բարի, ընտրիր բարին։
Ճակատագիրը ժպտում է խիզախներին։
Թեպետ բարի խոսքերի գինը մեծ չէ, բայց նրանց արած գործն է մեծ։
Քո գործերը քո հուշարձաններն են։
Ավելի լավ է իմանալ հարցերից որոշները, քան պատասխաններից բոլորը։
Բավական չէ լինել ընկերական։ Հարկավոր է ընկեր լինել։
Գնա օրվա հետևից և ձգտիր արևին։
Եթե կյանքում իրոք ինչ-որ բան ես ուզում, պետք է աշխատես։
Աշխարհում ամեն մարդ պետք է կյանքում գոնե մեկ անգամ հոտնկայս ծափահարությունների արժանանա, քանզի մենք բոլորս հաղթահարում ենք այս աշխարհը։
Երբեմն լավ է սկսել նորից։

Նատալի Մերչանթ «Հրաշք» երգից հատված[խմբագրել | խմբագրել կոդը]

Տարբեր կողմերից բժիշկներ եկան

Եկան, տեսան ինձ

Կանգնեն մահճիս մոտ

Ու չհավատան իրենց աչքերին։

Ասին, երևի հրաշք է երկնային

Աստծո ձեռքի գործ ու արարչություն

Բայց ինչ էլ որ տեսան, ինչ էլ ասացին

նրանք չտվին բացատրություն։

Սյուժե[խմբագրել | խմբագրել կոդը]

Օգյուստ Փուլմանը` տասնամյա մի տղա է, որը ծնվել է դեմքի թերություններով, որոնց պատճառով մինչ 10 տարեկանը դպրոց չի հաճախել։ Նա նոր-նոր ընդունվելու է Բիչերի դպրոց, որպես հինգերորդ դասարանի աշակերտ։ Բանն այն է, որ Օգին սովորական երեխա է՝ արտասովոր դեմքով։ Բայց կարո՞ղ է արդյոք նա համոզել իր նոր դասընկերներին, որ չնայած արտաքինին, ինքն էլ նրանց պես սովորական երեխա է։

Գլխավոր կերպարներ[խմբագրել | խմբագրել կոդը]

Օգյուստ (Օգի) Փուլման - դիմածնոտա

յին խնդիրներով ծնված, տառապում է Թրեչեր Քոլինզ-ի (անգլ.՝ Treacher-Collins) սինդրոմով։

Օլիվիա (Վիա) Փուլման - Օգյուստի ավագ քույրը. Նա միշտ հոգ էր տանում եղբորը և կիսվում իր մտահոգություններով, թե որքան դժվար է նման մարդու քույր լինելը։
Սամըր - Օգյուստի առաջին և միակ ընկերը, որն անկեղծ շփվում էր նրա հետ, առանց որևէ բարդույթների։
Իզաբել և Նեյթ Փուլմաններ - Օգյուստի և Վիայի ծնողները, որոնք միշտ աջակցում էին իրենց երեխաներին, հատկապես Օգյուստի ուսման իրենց մեծ ներդրումն ունեցան։
Ջեք Ուիլ - Օգյուստի լավագույն ընկերը, որը սկզբում շփվում էր նրա հետ տնօրենի խնդրանքով, իսկ ավելի ուշ գնահատում և ընդունում է նրան։
Ջուլիան - Օգյուստի գլխավոր հակառակորդը, որը չէր ցանկանում ընդունել նրան և այն մարդկանց, ովքեր շփվում էին նրա հետ։
Ջասթին - Վիայի ընկերը, որն էլ սարսափել էր Օգյուստին առաջին անգամ տեսնելուց, սակայն շատ բարի էր և ընկերասեր։