Հովհաննես Մխիթարյան
 | |||
|---|---|---|---|
| Քաղաքացիությունը |
 Ռուսաստան | ||
| Ծննդյան ամսաթիվ | օգոստոսի 26, 1962 (61 տարեկան) | ||
| Ծննդավայր | Թբիլիսի, Վրացական ԽՍՀ, ԽՍՀՄ | ||
| Դիրք | կիսապաշտպան | ||
|
| |||
|
| |||
|
| |||
|
| |||
|
| |||
Հովհաննես Արմենակի Մխիթարյան (օգոստոսի 26, 1962, Թբիլիսի, Վրացական ԽՍՀ, ԽՍՀՄ), խորհրդային հայ ֆուտբոլիստ, խաղացել է կիսապաշտպանի դիրքում։ Հայտնի է «Վորոնեժի Ֆակել»-ի կազմում իր ելույթներով, որտեղ անցկացրել է 406 հանդիպում։
Կենսագրություն[խմբագրել | խմբագրել կոդը]
Մանկության տարիներին Մխիթարյանը զբաղվել է տարբեր սպորտաձևերով, ամենաակտիվը՝ վոլեյբոլով, իսկ 12 տարեկանում անցել է ֆուտբոլի։ Թբիլիսիի «Գանտիադի» մանկապատանեկան մարզադպրոցի սանի առաջին մարզիչը եղել է Օմար Շալվովիչ Դվալին։ Մեծահասակների թիմում սկսել է խաղալ 17 տարեկանում՝ Վորոնեժի Ֆակելում, որը հանդես է եկել առաջին լիգայում։ Դեբյուտային հանդիպումն անցկացրել է 1980 թվականի սեպտեմբերի 9-ին Նիկոպոլի Կոլոսի հետ խաղում՝ փոխարինման դուրս գալով 70-րդ րոպեին Գենադի Տերնովիխի փոխարեն[1]։ 1984 թվականին իր թիմի հետ դարձել է առաջին լիգայի մրցաշարի հաղթող և դուրս եկել ԽՍՀՄ գավաթի կիսաեզրափակիչ։ 1985 թվականի մրցաշրջանում մասնակցել է առաջնության բոլոր 34 հանդիպումներին և դարձել 3 գոլի հեղինակ՝ «Ռոստովի ԲՄԱ»-ի և Մինսկի «Դինամոյի» հետ հանդիպումներում, բայց նրա թիմը մրցաշրջանի արդյունքներով նորից վերադարձել է առաջին լիգա։
1990 թվականին Մխիթարյանը մրցաշրջանի կեսն անցկացրել է «Կոտայքի» կազմում, իսկ 1991-1992 թվականներին խաղացել է Լեհաստանի ցածր դիվիզիոններից մեկում՝ «Սոկոլի» (Պնևի) կազմում, այս թիմերից վերադառնալուց հետո կրկին խաղացել է «Ֆակելում»։ Ընդհանուր առմամբ, «Վորոնեժ»-ի թիմում անցկացրել է 14 մրցաշրջան, որի ընթացքում մասնակցել է 406 հանդիպումների ազգային առաջնություններում և դարձել 30 գոլի հեղինակ։ Անցկացրած հանդիպումների քանակով ակումբի պատմության մեջ զբաղեցնում է երկրորդ տեղը՝ զիջելով Եվգենի Շչյոգոլևին (474)։ Կարիերայի ավարտին նա չորս մրցաշրջան խաղացել է «Լոկոմոտիվում» (Լիսկի) երրորդ և երկրորդ լիգաներում։ Խաղային կարիերան ավարտել է 36 տարեկանում։
Կարիերան ավարտելուց հետո որպես մարզիչ աշխատել է Լոկոմոտիվում (Լիսկի) և Ֆակելում, այս թիմերում եղել է ադմինիստրատոր, երկար տարիներ աշխատել է որպես մանկական մարզիչ։ 2017 թվականին «Ստրելա» մանկապատանեկան մարզադպրոցում մարզել է 2008-2009 թվականներին ծնվածների թիմը[2]։ Խաղացել է վետերանների «Ստրելա» և «Բալթիկա» (Վորոնեժ) թիմերում[3]։
Ծանոթագրություններ[խմբագրել | խմբագրել կոդը]
Արտաքին հղումներ[խմբագրել | խմբագրել կոդը]
- Оганез МХИТАРЯН: «В годы моей молодости „Факел“ был настоящей семьей» 1 часть 2 часть
- Оганез Мхитарян: «На поле мы понимали друг друга с полувзгляда»