Հոսք, ջրաբանության մեջ, որևէ ժամանակահատվածում ցամաքի տվյալ տարածությունից հոսող ջրի քանակը։ Հանդիսանում է ջրի համաշխարհային ջրապտույտի բաղկացուցիչ օղակը։ Լինում է մակերևութային և ստորգետնյա։ Հոսքը ազդում է ռելիեֆի ձևավորման, երկրաքիմիական պրոցեսների, հողածածկի գոյացման (զարգացման), բուսածածկի տեղաբաշխման և այլ երևույթների վրա։ Հոսքի մեծությունն ու ռեժիմը կախված են մթնոլորտային տեղումներից, գոլորշիացումից, ջերմային պայմաններից, ռելիեֆի երկրաբանական կառուցվածքից, բնույթից, վայրի հողաբուսական ծածկույթից։ Հոսքի հետ են կապված էրոզիան, բնական դրենաժներն (ջրաքաշումը) ու ոռոգումը, տեղատարված նյութի աեղափոխումն ու կուտակումը։ Հոսքը արտահայտվում է մ³-ով կամ կմ³-ով, մեծությունը բնութագրվում է հոսքի շերտի բարձրությամբ (մմ կամ սմ), ծավալով (մ³ կամ կմ³), միջին ծախսով (մ³/վրկ), մոդուլով (լ/վրկ կմ²)։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 6, էջ 549)։
Անվան այլ կիրառումների համար տե՛ս՝ Հոսք (այլ կիրառումներ)
