Հերան Շաբան

Վիքիպեդիայից՝ ազատ հանրագիտարանից
Հերան Շաբան
Ծնվել էհունվարի 23, 1887(1887-01-23)
ԾննդավայրԿարին, Էրզրումի վիլայեթ, Օսմանյան կայսրություն
Վախճանվել էնոյեմբերի 13, 1939(1939-11-13) (52 տարեկան)
Մահվան վայրՆանտ[1]
ՔաղաքացիությունFlag of France (1794–1815, 1830–1974, 2020–present).svg Ֆրանսիա
Մասնագիտություննկարիչ

Հերան Շաբան (Հրանտ Շաբանյան, անգլ.՝ Héran Chabanian, հունվարի 23, 1887(1887-01-23), Կարին, Էրզրումի վիլայեթ, Օսմանյան կայսրություն - նոյեմբերի 13, 1939(1939-11-13), Նանտ[1]), ֆրանսահայ նկարիչ։

Կենսագրություն[խմբագրել | խմբագրել կոդը]

Հերան Շաբանը ծնվել է Արևմտյան Հայաստանի Էրզրում քաղաքում։ 1894 թվականին տեղափոխվել է Փարիզ։ 1911-1913 թվականներին սովորել է Փարիզի դեկորատիվ արվեստի դպրոցում, աշակերտել ֆրանսիացի նկարիչ Գուստավ Պորեյին։ Ստեղծել է գրաֆիկական աշխատանքներ, դիմանկարներ, ծովանկարներ, ձևավորել գրքեր[2]։

1896 թվականին ֆրանսիական նկարիչների սալոնում կայացել է Շաբանի առաջին անհատական ցուցահանդեսը։ Ցուցահանդեսներ է ունեցել նաև Փարիզում (1900, 1939), Բրյուսելում (1910) և այլուր։ Հերան Շաբանի ստեղծագործությունները բազմիցս վաճառվել են աճուրդում[3][4]։ Շաբանի «Ինքնադիմանկար» (1919), «Կնոջ դիմանկար», «Կնոջ դիմանկար» (1926), «Սևամորթ Վեներան», «Սրճարանում» աշխատանքները գտնվում են Հայաստանի ազգային պատկերասրահում[5]։

Մահ[խմբագրել | խմբագրել կոդը]

1939 թվականին ինքնասպանություն է գործել Ֆրանսիայի Նանտ քաղաքում։

Ծանոթագրություններ[խմբագրել | խմբագրել կոդը]