Հաքերների խորհրդապատկեր

Эмблема хакеров

Հաքերների խորհրդապատկեր, հաքերներին բնորոշ խորհրդանշան։ Առաջարկվել է 2003 թվականի հոկտեմբերին Էրիկ Ռայմոնդի կողմից՝ որպես հաքերային մշակույթի նկատմամբ վերաբերմունքի նշաններ։ Խորհրդանիշում պատկերված է «ինքնաթիռ» (անգլ.՝ glider)՝ «Կյանք» խաղի պատկերներից մեկը։

Էրիկ Ռայմոնդը շեշտում է, որ այս խորհրդանշանի ցուցադրումը չի նշանակում, որ նա հաքեր է, քանի որ անձն ինքն իրեն չի կարող հաքեր համարել։ Դա համայնքի կողմից տրված կոչում է։ Տվյալ նշանի օգտագործումը, սակայն, նշանակում է, որ կրողը կիսում է հաքերային համայնքի նպատակներն ու արժեքները։

Այս խորհրդանիշը հեղինակային իրավունքով կամ ապրանքանիշով պաշտպանված պատկեր չէ, և դրա օգտագործումը կոմերցիոն նպատակներով, չնայած խրախուսելի չէ, սակայն արգելված չէ։

Որպես նշան «Կյանք» խաղից մոդելների օգտագործման գաղափարը Էրիկի առաջարկից առաջ նշել է արգենտինացի հաքեր Սեբաստիան Ուեյնը 2003 թվականի մարտին։

Նշանակություն

Ինքնաթիռը հարմար տարբերանշան է բոլոր առումներով։ «Կյանք» խաղն առաջին անգամ հրապարակավ ներկայացվել է Scientific American-ի կողմից 1970 թվականին։ Այն ծնվել է գրեթե նույն ժամանակ, ինչ համացանցը և Յունիքս-ը։ Այդ ժամանակից ի վեր՝ այն գրավել է հաքերներին։ «Կյանք»-ում կան փոխհարաբերությունների պարզ կանոններ, որոնք հանգեցնում են անսպասելի, ցնցող բարդության, որը հնարավոր չէր լինի կանխատեսել միայն կանոնների հիման վրա` առաջացման ֆենոմեն։ Սա զուգահեռ է հաքերների համայնքում բաց կոդով ծրագրային ապահովման զարգացման անսպասելի առաջացմանը։ Ինքնաթիռը համապատասխանում է խորհրդանշանի չափանիշներին։ Այն պարզ է, համարձակ, դժվար է շփոթել որևէ այլ բանի հետ, և դյուրին է կիրառել գավաթի կամ շապիկի վրա։ Այն կարող է բազմազան լինել, զուգորդվել այլ խորհրդանշանների հետ կամ վերածվել կրկնվող պաստառի։ Բնօրինակ տեքստ (անգլ.)   Why this emblem? The glider is an appropriate emblem on many levels. Start with history: the Game of Life was first publicly described in Scientific American in 1970. It was born at almost the same time as the Internet and Unix. It has fascinated hackers ever since. In the Game of Life, simple rules of cooperation with what's nearby lead to unexpected, even startling complexities that you could not have predicted from the rules (emergent phenomena). This is a neat parallel to the way that startling and unexpected phenomena like open-source development emerge in the hacker community. The glider fulfils the criteria for a good logo. It's simple, bold, hard to mistake for anything else, and easy to print on a mug or T-shirt. It could be varied, combined with other emblems, or modified and infinitely repeated for use as a background.

Նշանների տարբերակներ

Խորհրդանիշը տեքստային (ASCII) ձևով ներկայացնելու մի քանի տարբերակ կա, օրինակ ՝

|_|0|_|    [ ][*][ ]    [ ][0][ ]
|_|_|0|    [ ][ ][*]    [ ][ ][0]
|0|0|0|    [*][*][*]    [0][0][0]

0 1 0    .O.    xox    ■□■    □■□
0 0 1    ..O    xxo    ■■□    □□■
1 1 1    OOO    ooo    □□□    ■■■

Ռուբիկի խորանարդի վրա առկա է «հաքերների խորհրդապատկերի» ալգորիթմը՝ D2 L2 F2 R2 U2 B2 D2 F2 R2 U2 R2 U2։

Նշանը աղյուսակի տեսքով․

	۝
		۝
۝	۝	۝

Տես նաև

• Հաքեր

Արտաքին հղումներր

• The Glider: A Universal Hacker Emblem (անգլ.) (Эрик Рэймонд - Eric S. Raymond)՝ սկզբնական աղբյուրը։ Լրացուցիչ տեղեկություններ հաքերների խորհրդանշանի մասին՝ ներառյալ աղբյուրներ SVG, TeX ձևաչափերով, ինչպես նաև դրա հաճախակի տրվող հարցերի պատասխաններ
• Էրիկ Ռայմոնդ «Գլայդեր. Հաքերների խորհրդանշանի առաջարկ»՝ Եվգենի Բորիսովի կողմից հաքերների խորհրդանշանի առաջարկի առաջին վարկածի թարգմանությունը (2003 թվականի դեկտեմբեր)
• «Ինքնաթիռ․ հաքերների յուրահատուկ խորհրդանշանը՝ ըստ Էրիկ Ռայմոնդի» Արխիվացված 2017-07-17 Wayback Machine ՝ Վյաչեսլավ Մայորսկու այլընտրանքային թարգմանություն (2009 թվական, նոյեմբեր)